LUKAS 3:1 - ALLAH NIHYET MEM TUNGWATU NYA

¹ Mpe dino Kaisar Tiberius nok nibou ndig mem ari bingwam simnaimuhwidip tu ba, Pontius Pilatus ninyeng tak kep timiei hanjop Yudea nya ba, Herodes ninyeng tak kep timiei hanjop Galilea nya ba, Herodes nikindig Filipus ninyeng tak kep timiei hanjop Iturea kin Trakhonitis nya lene Lisanias ninyeng tak kep timiei hanjop Abilene nya ba,

LUKAS 3:1 Iomraidhean Croise

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MATIUS 14:1

Mpe dima lene Yesus ninghapti tibim ug ei Herodes di ninyeng tak kep hanjop Galilea nitingou nsi.

MATIUS 14:3

Herodes pai nok lewo nipou pini jug noni cuk nide tentara nya leu api yuug kat Yohanes bingot noni bingkiem ei ig bui nsi drek dip Herodes nikinjoi Filipus nitnem Herodias.

MATIUS 14:6

Ningat ne Herodes yai nimai bak Yohanes ei mpe di noni bon pesta kep nide njap nisrekti. Mpe dima lene Herodias nipmisop bihim bibien-bien nyen ei nisut bat nya di idem yam ei dima igyai him lene gima bindei ba, Herodes joi sut noni.

MATIUS 22:17

Gima rino ma apai sut angon kanti binye tut belasten di igo bak nibou Kaisar Roma gau nyenti. Igyaisi dima tunggwei sut Puig Yahudi nidimig sutti e?”

MATIUS 27:2

Iba lante biteu nimig ninda leu api ibuwak biyuug sut bikes ei Pilatus di Kaisar ta nok nibou mem minu dima nindati.

MARKUS 6:17

Herodes pai nok lewo nipou pini jug lene noni cuk nide tentara nya ba, yuug kat Yohanes bingot noni bingkiem ug ei ig bui nsi drek dip Herodias di nikinjoi Filipus nitnem di wak nok nitnem bu.

MARKUS 6:21

Jei bi lene bon nituti mem Herodias tirigi Herodes bon pesta kep nide njap lene yo di igya kui noni kin nibou tentara nya kin nide limwa di inyeng jei nya ei hanjop Galilea, yahagom ikwei bidem yam ei pestati dima bit noni.

LUKAS 13:31

Mpe dima lene Farisi nya ibou poi ikwei pai bak Yesus “Ma ambut leu minu dini ug ei minu ttou nsi hiter bu lewo Herodes kos tut bipia mikimukep Na.”

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.

LUKAS 23:24

Gima rino Pilatus jem nimai gau Yesus drek dip yo di ningot ndig pima yok ijem bakti,

LUKAS 3:19

Noro noni sok kep Herodes di ninyeng tak kep hanjop Galilea tut niwak Herodias nok nitnemti. Lewo Herodias ne Herodes nikindig nitnem ri. Nok gima cem Yohanes sok kep Herodes tut nisibutti nya mang bibor.

LUKAS 9:7

Tirigi Herodes di ninyeng tak kep hanjop Galilea miap tut mun di pek kep mem tungwatu nya dima lene ningon kiowi niti. Lewo bihi ipai bipia Yohanes di tur tungwatu nya ei minyeiti kiju hanyen leu nimai eisi tu.

KISAH 23:26

“Srat dini leu da di Klaudius Lisias. Mem nibou Feliks di ninyeng jei. Acem!

KISAH 24:27

Niabiati ari bingwam nitindur can ngwig leu lene nibou Perkius Festus kwei ya luei Feliks nohoti nok nibou di nijep bu. Noro Feliks huk bram gi mben Yahudi ijoi sut noni. Gima rino noni sindui sut Paulus bisima ei ig bui nsi kikau.

KISAH 26:30

Gima ngwig leu lene nibou ndig kin nibou hanjop kin Bernike kin nindigsi nya yahagom ikiju bigya.

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.