LUKAS 21:8 - ALLAH NIHYET MEM TUNGWATU NYA

⁸ Noni buhup “Ma jitindei ser tungwatu nya leu binhyepo hi ris bije bijisrawir au. Lewo tungwatu nya imang bibor iba dinyeng bipai sut yonti bipia yoni ne Da rin cem tto bou dem tu cem. Noro ma jibit ighyet au.

LUKAS 21:8 Iomraidhean Croise

YEREMIA 29:8

Da di tuhan Di Disindem Bibor di Allah Israel disok kep je ba, jiyok ngon kep. Ma jisindui sut nabi di ibong srig jikieti ba, iris mun bije au. Nok gima cem tut nindigsi nya bu di ipai bije bipia bon itri tut mun di mipek kep mem je ei nidipti bu kan nya ighyet cem au. Ma jingig jitingou mem ide mumpriem nya di imbot kep tut bije cem au.

MATIUS 24:11

Nabi nitrowai nya imang bibor mikiju biris bak tungwatu nya imang bibor.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 4:17

Mpe dima ne Yesus sindi tri tut nihyet bipai “Ma jittin ser jide sisar ba, jikiek ndam Allah lewo Allah Ninyeng Tak Kepti dideu kwei su!”

LUKAS 17:23

Mpe dima lene tungwatu nya mipai bije ‘Jingat i! No rima.’ He mipai ‘Jingat i! No rini.’ Noro ma jingon bit ighyet au.

LUKAS 21:7

Yo dima ihig ser Yesus “Guru e, apai igbit binye tut nituti mem mun dima yok hagom nicut igkep nyeti ba, mindei rino bindo tut nipek kepti i?”

LUKAS 21:9

Tirigi jimiap tut yo di ikon pran bit yam kin yo di isrep tut nibou ndig nya lene ma jittin tut au. Lewo mun dima yok hagom midem igbit nipou ug e noro njap ningwig honti ttau bigyo.”

YOHANES 5:43

Dikwei sut dicig de nisindemti noro jikou sut Da. Noro gino hiter kwei sut nide nisindemti ne jiya um noni.

YOHANES 8:24

Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”

YOHANES 8:28

Gima rino Noni pai biyok “Mpe dino jitas biei salib tut Munggwom Tungwatu Nipmot ne jikan tut bipia Dani ne No di ninyeng DANI DINGAT RI. Mpe dima lene mijikan tut bipia diyai midyai bit leu dingon kanti bi. Noro ditri tut nihyet di Dicig sok ei Da dip he.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

TESALONIKA GI NICAN 2:3

Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

NINGAT-HI-NGAT NYA 1:3

Bikwop no di kwop srat dini ei nuhui him kin yo di imiap tut mun di mipek kep ei nidipti bibit mun di joti nya ingon nggei-hi-nggei. Lewo tto bou tirigi mun dini yok hagom mipek kep mem nye dideu su.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.