LUKAS 2:9 - ALLAH NIHYET MEM TUNGWATU NYA

⁹ Nok rino idrui sut lo, malaikati Allah de gom tau kros biya hak ei ikieti lene Allah nikei-kausi cem piga mpia kei bibindei ba, ingwes mba.

LUKAS 2:9 Iomraidhean Croise

NIBOU NDIG NYA GI NIGOM 8:11

Leu api tuhan de nikei-kau-keisi piga bumbuhui dimati bibindei ba, bit bon imam nya icoi hanyen bibon midut nya kan bi.

NEHEI LEUSI 16:10

Tirigi Harun mbrap bit mben Israel lene yahagom ikiek yoho ndam iggum ndigsi bingat lo, tuhan de nikei-kau-keisi piga kros ei bumbuhuiti kwei.

NEHEI LEUSI 16:7

Njap di hyep bu lene mijingat tuhan de nikei-kau-keisi bou jiyai him. Noni miap jihyet tirigi po jinso-nso nyen pima. Ningat ne jingon sibui sut Noni lewo Harun nyeni ninok Nide awak nya binibit Nide nicuk nyeti nya he.

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 60:1

Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

LUKAS 1:28

Malaikati dima coi ug ei ig bei bingat Maria bipigo “Na di sop di Allah singat tut na ba, ningat rin bit na e, acem!”

LUKAS 2:8

Gembala nya cem yo rinaha ei hanjop nsi dima bigwam ser domba di ide nya ei dumti mem mmun.

LUKAS 24:4

Apino ingon kiowi niti bigya hak lo, pinai nya ibou can di ijuk sinsun di sieng-siau kei ittau kros bigya kui yok.

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

KISAH 12:7

Nok rino Allah de malaikati gom kwei kros biya niyati ei mpia dima ba, ninjeng piga digai nghim nsi. Malaikati tak Petrus ninghat biwin lene pai binoni “Akiju ba, aya haninyai.” Pai nok rino lante nonti pas hak leu Petrus ninda.

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 12:21

Mun di ingat bou igyai him dima bindei ba, idigit tut bibor apino Musa pai “Didigit tut bidittin bibor.”

NINGAT-HI-NGAT NYA 18:1

Gima ngwig leu lene dingat malaikati gom kin bu di srek kwei leu gwamti. Ninyeng jei bibor ba, ninjeng piga digai dihyeisi dini hagom.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.