LUKAS 2:51 - ALLAH NIHYET MEM TUNGWATU NYA

⁵¹ Leu api Yesus bit yok bingkwei hanyen ug ei minu ndig Nazaret lene kuk No mem ighyet. Maria pwoi mun di pek kep mem yok dima hagom ei ningonti.

LUKAS 2:51 Iomraidhean Croise

NITRITI 37:11

Gima rino nikindig bat nya ingon kinei sut noni noro nicig bisrip tut Yusuf de mun di mumpriem nya ei ningonti.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

MATIUS 12:46

Tirigi Yesus tri tut nihyet bak tungwatu nya bingwig bigyo lene nipmem kin nikinjoi bat nya itau kwei bigya biyati ba, ijoi sut imbrap bit Noni.

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

MARKUS 1:9

Mpe dima ne Yesus jo leu minu ndig Nazaret ei hanjop Galilea kwei leu api Yohanes tur Noni ei Minyei Yordanti.

MARKUS 6:3

Noni ne tukan biei dino Maria nipmot rin bi e? Nikinjoi bat nya rino Yakobus kin Yoses kin Yudas kin Simon bi e? Nikwohop bat nya yahagom ibong bit nyeni bi e?” Lene ikou sut Noni.

LUKAS 18:37

Ibuhup “Yesus di timiei minu ndig Nazaret No kak puig dini ba, Noni njiriek na.”

LUKAS 2:19

Noro Maria pwoi mun dima yok hagom ei ningonti lene ba ningon bisrip huk.

LUKAS 2:39

Tirigi yoni ibon midut nya bit leu nok Tuhan nicukti hagom tu lene ingkwei hanyen ug ei itimieisi minu ndig Nazaret ei hanjop Galilea.

LUKAS 4:16

Lene Noni ngkwei hanyen ug ei nitimieisi ei minu ndig Nazaret leu api coi ug ei mben Yahudi ide ig mbusyameisi mem Njap Nigwam Kep Ninghuisi bit leu nok niyai kepti. Noni kiju leu binhyepo kwop leu Allah Nihyet.

LUKAS 4:23

Gima rino Yesus pai biyok “Dikan tut bipia mbigom mijiba nihyet nibiti nindati bipai ‘Na di anda kan e, suar asindei ser Nanti lene abindei ba, akei hanyen.’ Gima cem mijicuk Da bipia dibibon mindur ei ditimieisi dini bit leu nok mindur di dibibon ei minu ndig Kapernaum.”

EFESUS 5:21

Ma jiba jibou coi mem yam bicim tindei gi jibikon Kristus ninyeng a.

PETRUS GI NIGOM 2:21

Noni dimig je ei mem gima jiyai ninghuisi di wei. Lewo Kristus Nonti yai ninghuisi wei drek dip je ba, ndo bindo bije leu binhyepo jiyai bram niyaisi.