LUKAS 2:41 - ALLAH NIHYET MEM TUNGWATU NYA

⁴¹ Bikwop ari bingwam lene Yesus nipmem Maria nijjep nya yuug ei minu ndig Yerusalem leu binhyepo ibon pesta kep Njap Ndig Paskah.

LUKAS 2:41 Iomraidhean Croise

NEHEI LEUSI 12:11

Tirigi jiyem mikwau dima lene jijuk sinsun bijo jingkek kin jijuk srop ei jimig kin jikrau jide tom ei jindati ba, jiyem mikwau dima haninyai. Lewo nibon midut dini ne Njap Ndig Paskah nitriti rin ba, jiba gima binggei sut Da di tuhan.

NEHEI LEUSI 12:14

Ma jiyok ngon kep njap ndig tut nibon midut dini nok mun di pus jingonti tut mun di Da di tuhan dibibon mem je. Suar jiyok ngon kep njap ndig dini bikwop ari bingwam hagom bijo ninno bijo kikau.”

NEHEI LEUSI 34:23

Suar jide pinai nya yahagom induk yam kwei bikuk yok biDa mbiningai bikwop ari bingwam hagom lewo Dani ne tuhan bidinok mben Israel ide Allah ri.

IMAM NYA IDE MIDYAI 23:5

Ug ei bed gi nigom ba, njap gi nisimnaibrimigtai lene ma jikinyon ei nibon midut Njap Ndig Paskah mem mpia nikimbasti leu binhyepo jibikon dinyenga.

MBEN ISRAEL IMBUT-MBUT NYEN 28:16

Nituti mem tuhan de Njap Ndig Paskah dima ne njap ngon bou gi nisimnaibrimigtai ei bed gi nigom ri.

LUKAS 2:42

Tirigi Yesus de njap ug ei ari bingwam simnaibrimigcan tu lene yoni ibuwak Noni cem ug ei Yerusalem bit leu nok igyai kepti.

YOHANES 11:55

Mpe dima ne tto bou mem mben Yahudi ide Njap Ndig Paskah dideu su. Gima rino tungwatu nya imang bibor induk yam leu ide minu mien nya bikwei ei minu ndig Yerusalem leu binhyepo icoi ei midut nipiap nonti bipwoiti nipou tirigi njap ndig dima tau kep yok bigyo.

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 2:13

Mpe dima lene son dideu Njap Ndig Paskah tu. Gima rino Yesus ug ei minu ndig Yerusalem.

YOHANES 6:4

Mpe dima lene tto bou mem mben Yahudi ibon pesta kep Njap Ndig Paskah dideu su.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 16:16

Suar pinai mben Israel yahagom ikwei kuk yok bak jide tuhan Allah mbiningai ei nijam ari bingwam gom ei mpia ttou nsi di Noni ndo ei su. Nok idem yam ei Njap Ndig Paskah kin Njap Ndig Nike Gandum kin Njap Ndig Ig Jibei Mpam Meng. Bikwop tungwagom-gom suar ttei munkwas,

SAMUEL GI NIGOM 1:21

Tto bou dem mem Elkana nya yuug ei Silo hanyen leu binhyepo noni bon midut nindig mindhe bak tuhan sindam bikwop ari bingwam gom bu. Gima cem noni mibon midut nindig mindhe gom kin bu pijum ei mem Allah bit leu gi noni preu ei su.

SAMUEL GI NIGOM 1:3

Lene Elkana bit leu niyai kepti bikwop ari bingwam ba, jo leu minu ndig Rama buug ei Silo leu binhyepo kuk no bak tuhan Di Sindem Bibor bibon midut nindig mindhe ei nimbar hum dokti bak Noni ei sirima. Mpe dima lene Eli yai nipmot bat cin di Hofni kin Pinehas ba, igyai midyai nok imam mem tuhan ei sirima.