LUKAS 2:4 - ALLAH NIHYET MEM TUNGWATU NYA

⁴ Yusuf cem jo leu minu ndig Nazaret ei hanjop Galilea buug ei nidigup-nidigai di Daud nitimieisi ei minu ndig Betlehem ei hanjop Yudea.

LUKAS 2:4 Iomraidhean Croise

NITRITI 35:19

Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.

NITRITI 48:7

Dipai dingon kanti dini bina drek dip apmem Rahel di mai kep da kak puig sinon ei minu Kanaan tirigi nyeni ikwei leu Mesopotamia bimbut ug ei dideu Efrata. Dingon ngguk tut noni nindig bibor biditig ei simpak di ug ei Efrata ninghas him.” (Nogindini ijem Efrata ninyeng Betlehem bu.)

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 2:23

bibong ei minu ndig Nazaret. Nok gima lene srat di nabi nya ipas kep tut munggwom dima pek kep tu lewo ipas “Yoni mijem Yesus ninyeng Munggwom Timiei minu ndig Nazaret.”

LUKAS 2:3

Gima rino tungwatu nya yahagom ingkwei hanyen ug ei itimieisi mem gima indat kep inyeng.

LUKAS 2:5

Yusuf ndat kep ninyeng kin Maria di yok wa kep nok nitnem ninyeng cem mem nijam di Maria tta buhun.

LUKAS 4:16

Lene Noni ngkwei hanyen ug ei nitimieisi ei minu ndig Nazaret leu api coi ug ei mben Yahudi ide ig mbusyameisi mem Njap Nigwam Kep Ninghuisi bit leu nok niyai kepti. Noni kiju leu binhyepo kwop leu Allah Nihyet.

YOHANES 1:46

Noro Natanael srep “Bon mun di kei hi kwei leu Nazaret e?” Filipus buhup “Akwei suug ngat i.”

YOHANES 7:42

Allah nihyet pai ‘Nibou Ndig di teu tungwatu nya biyai niyaijo nijep biyok ntun Nibou Ndig Daud him ba, nipmem srek tut Noni ei minu ndig Betlehem di Daud nitimieisi.’ ”

SRAT RUT 1:19

Lo bi lene yahacem imbut kikau ba, yuug krau Betlehem. Tirigi icoi ug ei minu dima lene timiei nya yahagom itri tut biyam. Lene sop timiei nya ihig yam “No dima ne Naomi nijit rin e?”

SRAT RUT 2:4

Jei bi lene Boas nonti kwei leu Betlehem ba, ngig niyai kep nide awak nya bipigo yok bipai “Handei kon ba, tuhan sindem tut je.” Lene yo dima ipigo noni bipai “Handei kon ba, tuhan njei mun di kei bak na di Andigpoi.”

SRAT RUT 4:11

Lene yo dima yahagom isimbot dat bipai “Igbit ri. Ningat hagom bou niyai him tu. Handei kon ba, tuhan bindei ba, atnem noyam kin Rakhel kin Lea po igyai imunggwom bat nya imang bibor bak Yakub mimbrek ngan tu pima. Nnaba ma anyeng bibor ei ade bat di itig mbier tut Efrata ikieti ba, anyeng jei bibor ei Betlehem.

SRAT RUT 4:17

Mpe dima lene Naomi nisut bat di sop nya ijem ningwoi dima ninyeng Obed. Itri tut “Rut srek tut nipmot bibindei ba, Naomi yai nidrot nipinai gom tu!” Tirigi Obed ndig su lene noni yai nipmot Isai lene Isai yai nipmot Daud.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

SAMUEL GI NIGOM 17:58

Lene Saul hig ser noni “Dipmot na e, acig ninyeng tou i?” Leu api Daud buhup “Andigpoi e, dinok awak ba, dicig ninyeng Isai di bong ei Betlehem.”

SAMUEL GI NIGOM 20:6

Gino acig ngat bipia dingat rin bidiyem njita bit noni bi lene ma abuhup bipia nanti asindui sut da bidingkwei hanyen ug ei Betlehem lewo tto bou dem mem dide bat nya yahagom ibon midut nindig mindhe titut kep humti bit leu nok igyai kepti bikwop ari bingwam sindam.