LUKAS 2:21 - ALLAH NIHYET MEM TUNGWATU NYA

²¹ Tirigi nide njap ug ei njap muhwindaningai su lene ibon midut sunat biNoni ba, Yusuf kin Maria ijem ninyeng Yesus. Ninyeng dima bit leu malaikati nipaisi nipou tirigi nipmem nghop bigyo.

LUKAS 2:21 Iomraidhean Croise

NITRITI 17:12

Hon kep ammani kui lene suar jipmot bat nya di ide njap ug ei njap muhwindaningai igyai nibon midut sunat ba, bitut jenti kin jide awak ei jide ig bei nsi kin awak di jiba mitiei wim yok leu ngkiai nya cem jahagom. Lewo nibon midut sunat ndo tut Ditde gi preu di dipreu ei bit je.

IMAM NYA IDE MIDYAI 12:3

Ei njap gi nimuhwindaningai lene suar ningwoi-ngwoi dima yai nibon midut sunat.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 1:25

Noro igyem njita tut yam bi kikau bibou Maria srek tut nipmot ug e. Tirigi noni srek tut nipmot lene Yusuf jem ninyeng Yesus.

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

LUKAS 1:31

Mporo anghop ba, asrek tut amunggwom nipinai lene suar ajem ninyeng Yesus.

LUKAS 1:59

Tirigi munggwom ngwoi dima nide njap ug ei Njap muhwindaningai lene yuusap Noni biyuug sut mem gima imam gom bon midut sunat binoni. Nide bat nya ipi bijem ninyeng Zakharia noyam kin nicig ninyeng,

FILIPI 2:8

Noni ba nibou coi bibit Allah ningon kanti mem Noni kikau ug bipek tto bou mem ipek Noni bimai ei biei salibti.