LUKAS 2:14 - ALLAH NIHYET MEM TUNGWATU NYA

¹⁴ “Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

LUKAS 2:14 Iomraidhean Croise

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 49:13

Mpia-bbed him e, ma apai doia! Dihyeisi e, ma ayai nillei! Mbigdip nya e, ma jimbos-hi-mbos! tuhan migwam ser Nide limwa nya ingon ba, Noni ngondut Nide awak di igyai ninghuisi wei nya.

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 2:13

Leu api malaikati nimpung nindig gom ittau kros bigya kui noni lene ipai doia bibinggei sut Allah bipai,

LUKAS 2:15

Tirigi malaikati ningot ndig dima yok ikes gembala nya leu bingkwei hanyen ug ei gwamti lene gembala nya icuk yam bipai “Jihwou ba, yuug ngat ser mun di Allah mbot kep binye di pek kep mem nye ei Betlehem i!”

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 17:4

Dindo Ade ninyeng jei biborti bak tungwatu dihyeisi dini tug hon midyai nya di akes biDa ba, hagom put tu.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!

EFESUS 2:7

Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

NINGAT-HI-NGAT NYA 5:13

Leu api dimiap lo, Allah nipai testi nya ei gwamti kin dihyeisi kin minu nimai nya ide kin gi jo muk jou hagom bitut mun di niyaijo nya ei hantou-hantou yahagom ipai doia “Dem mem gima inggei sut No di gwam banggo mbrei dip kin Domba Pmot ba, ikon inyeng drek dip ide nikei-kau-keisi kin ide nisindemti buug hon nohonti bi!”