LUKAS 2:11 - ALLAH NIHYET MEM TUNGWATU NYA

¹¹ Njap di ammani jide Nibou Ndig di miteu je leu sisar biyai niyaijo nijep bije nipmem srek tut ei Betlehem ba, ninyeng rino Kristus Tuhan!

LUKAS 2:11 Iomraidhean Croise

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

MATIUS 1:16

Yakub yai nipmot Yusuf dino Maria nijjep lene Maria srek tut Yesus di ninyeng hi Kristus.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 16:20

Lene Noni sok kep yok bingkiem ser “Ma jitri tut dinyeng Nibou Ndig di teu tungwatu nya biyai niyaijo nijep biyok bak nindigsi nya au.”

LUKAS 1:43

Noro tut dani ne dibon dinyeng bi. Nggon rino Tuhan nipmem kwei cem kep da i?

LUKAS 1:69

Noni pinak No di sindem kwei mem gima teu nye leu mun di kinei hagom ba, No dini ntun Daud di Tuhan de awak pima him.

LUKAS 2:26

bimbot kep tut binoni nipou su bipia noni mimai bi bibou ngat Nibou Ndig di teu tungwatu nya biyai niyaijo nijep biyok di Allah preu ei mem yok bou niyai him nipou ug e.

LUKAS 2:4

Yusuf cem jo leu minu ndig Nazaret ei hanjop Galilea buug ei nidigup-nidigai di Daud nitimieisi ei minu ndig Betlehem ei hanjop Yudea.

YOHANES 1:41

Noni ug nggok ser nikindig Simon haninyai bipai bak “Nyeni nuum Nibou Ndig di teu tungwatu nya biyai niyaijo nijep biyok di tungwatu nya ijem ninyeng Kristus tu.”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 11:27

Marta buhup “Andigpoi e, diba dingon com bipia Nani ne Munggwom Allah Nipmot kin Nibou Ndig di teu tungwatu nya biyai niyaijo nijep biyok di Allah preu ei mem nye tut nikweisi cem ri.”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 4:25

Misop dima pai bak Yesus “Dikan tut bipia Nibou Ndig di teu tungwatu nya biyai niyaijo nijep biyok (di ninyeng Kristus) mikwei ri. Gino Noni kwei lene Noni mitri tut mun nyeng hagom brei binye.”

YOHANES 4:42

Gima rino ipai bak misop dima “Nogindini niba ningon com Noni tug hon ahyet di atri tut Noni he bi noro tug hon nihyet di tibim kwei leu Nonti nuhui him. Nikan tut bipia Noni ne No di teu tungwatu nya leu ide sisar biyai niyaijo nijep biyok ri.”

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

YOHANES 7:41

Hiter ipai “No dini ne Nibou Ndig di teu tungwatu nya biyai niyaijo nijep biyok ri.” Noro hiter isrep “No di Nibou Ndig di teu tungwatu nya biyai niyaijo nijep biyok nitimieisi leu hanjop Galilea bi.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 13:23

Allah ba yo di intun Daud him bitin ei No di teu mben Israel leu sisar biyai niyaijo nijep biyok bit leu nok nipreu ei mem yokti tu. No di teu mben Israel leu sisar biyai niyaijo nijep biyok pima ne Yesus ri.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 2:36

Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

KORINTUS GI NIGOM 15:47

Ei nimbie him ngat ne Allah ba dihyei ndung bipai tes Adam nok no di ya bibie. Noro Adam gi nican nitimieisi leu gwamti.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.