LUKAS 19:8 - ALLAH NIHYET MEM TUNGWATU NYA

⁸ Yuug krau ig tu lene Zakheus kiju biya lene pai bak Yesus “Tuhan e, dikos tut bipia dikwas ditde ndigban nite hi tut yo di yuhui mbum nya. Gino diris mitiei leu tungwa hi tu lene midingkwei hanyen bak mbitai bram yam!”

LUKAS 19:8 Iomraidhean Croise

SAMUEL GI NICAN 12:6

Suar noni tug hanyen mbitai bram yam bak no di nuhui mbum tut niyai mun di mbuk biborti dima nipou ug e!”

MAZMUR 41:1

Doia Daud mem no di bie tut doia nimpung.

NEHEI LEUSI 20:16

Harin dima jiris mun ei yo di hiter nya dip a.

NIPINGOK NINGONTI 6:31

Lene gino ikat noni ne suar noni birop hanyen tut njita di nggimang dima mbimuhwindacan bram yam. Apino niyai munti dima mipinde ndigban di nyeng tut nya hagom leu noni.

YEHEZKIEL 33:15

bitut gi tug mun di bindo hanyen bak no di dahat ningwam leu noni ba, tug mun di noni nggimang hanyen bak niceu bibon sisar bu bi noro bit niggai serti di bie ndam niyaijo di kei bibor ne no dima mitug ndei nimai bi.

MBEN ISRAEL IMBUT-MBUT NYEN 5:7

lene suar no dima pai jit nide sisar leu api go nibuhup hanyen bak hiter di noni yai mun tunggwei sut pima lene ba mitiei nitig can leu ningot gom lene nok bikum eisi bu.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 7:13

Tirigi Yesus ngat kibom dima lene ngondut noni bipai bak “Sindig e, ma ayai nggwei kibor au!”

LUKAS 7:19

bisok nihyet ei yok dip bak Tuhan Yesus bihig ser Noni “Nani ne No di Allah preu ei mem nye tut nikweisi pima rin e? He suar nimem kep ser hiter bu e?”

SAMUEL GI NIGOM 12:3

Nogindini diya hak ei joho bei. Gino dipigau hanjop hi tu lene ma jipai kep da bou tuhan kin nibou ndig di Noni ndo ei su igyai him. Gino dimbrai hiter de sapi kin keledai lene ma jipai igbit. Gino diris hi bidimbuk tut hi ba, hi ba mitiei bingot kep da cem lene ma jipai igbit leu binhyepo dingkwei mun dima yok hanyen bak niceu.”