LUKAS 18:9 - ALLAH NIHYET MEM TUNGWATU NYA

⁹ Yesus ba nihyet nibiti nindati bingginau yo di inggei sut yonti noro ingwes om nindigsi nya.

LUKAS 18:9 Iomraidhean Croise

NIPINGOK NINGONTI 30:12

Tungwatu nya bihi ikan bipia ingon kwes-kwau noro irom ndok.

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

IMAM NYA IDE MIDYAI 13:32

Ug ei njap gi nimuhwindacan lene ma imam dima ngig niyai kep nibokti dima hanyen. Gino ullen ba, ninta-nta di nipuk joti cem yem ningkek bimui lai-lai de bi,

LUKAS 10:29

Noro no dima pai mun singgre mem gima bisu tindei nonti bihig ser Yesus “Tou rino yo di hiter di dingon ngakei yok i?”

LUKAS 15:2

Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

LUKAS 18:11

Farisi kiju biya ter lene nggei-nggwang tut nonti bipai ‘Allah e, dipai sigyo biNa lewo dinok yo di igyem kep hiter imuhup kin yo di iris igkei nya kin yo di icut tut sop nya kin no di ya tindei belasten biyem tungwatu nya imuhup dima bi.

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

YOHANES 9:28

Lene iba ighyet di ten bisrep “E bi! Atti kin Noni noro nye dini nitti kin Musa.

YOHANES 9:34

Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

ROMA 10:3

Yoni ikan tut nisinati dino Allah bindei ba, tungwatu nya igyai ningon kwes kin Noni hanyenti bi. Noro ipi bitin puig hi ter bit leu yonti ingon kanti. Ikuk yok bak Allah de nisinati di bindei ba, igyai ningon kwes kin Noni hanyenti bi.

ROMA 14:10

Gima rino disut bat jen, nggon rino jiba jihyet biyai jisut no di ningon jo kep i? Nggon rino jingwes pri gau noni i? Lewo yahagom migya ei Allah nimig him leu binhyepo Noni mbus ingonti.

ROMA 14:3

Harin dima no di yem njita nyeng hagom ningwes pri gau gi hi di yem njita nitu he yo a. Harin dima no di yem njita nitu he ba nihyet biyai no di yem njita nyeng hagom a. Lewo Allah joi sut no dima cem.

ROMA 7:9

Nipou tirigi Puig Yahudi niggai serti jo bi ne dibou coi. Noro tirigi Puig Yahudi niggai serti tot dingonti ne gima bindei sisar ntun him,