LUKAS 17:3 - ALLAH NIHYET MEM TUNGWATU NYA

³ Ma jingon sok kep jenti! Gino asut bon sisar tut na lene ma apingok ningonti tut hak ug. Gino noni ttin ser sisar dima lene ma akos ser sisar dima hak ug.

LUKAS 17:3 Iomraidhean Croise

MAZMUR 141:5

Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

NEHEI LEUSI 34:12

Ma jeni kin timiei nya ei minu dima jipreu mun ei bit yam au. Leu gi nok lene mijibiam bon nimai.

NIPINGOK NINGONTI 17:10

Nisok kepti gom ngat bon ninyeng mem no di nintin kimbo. Nibui no di ningon mbum mbisratus gom bon ninyeng mem noni bi.

NIPINGOK NINGONTI 27:5

Gino apingok asut ningonti hak ei noho bei ne gima kei bibor dor njiriek gino angon ngakei noni niku ba, noni kan tut bi.

NIPINGOK NINGONTI 9:8

Ma asok kep no di llei-lau au. Lewo miningon mpo tut na. Ne gino ando no di ningon ki nitunggweisi bak lene ningon mikei sut na.

IMAM NYA IDE MIDYAI 19:17

Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

MATIUS 18:21

Lene Petrus kwei hig ser Yesus “Tuhan e, gino disut hi bon sisar tut da lene suar dikos ser sisar di bon tut da mbipig i? Mbimuhwindacan bram yam e?”

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

NINDAT KEP TUHAN NICUKTI NYA 4:15

“Ma jiyok ngon kep bipia tirigi po tuhan nihyet tibim kwei leu hum njengti ei Nungug Sinai ei jitingou nsi pima lene jingat Nonti ningat bou jiyai him bi.

NINDAT KEP TUHAN NICUKTI NYA 4:23

Gima rino ma jingon sok kep jenti ser nhyema jingon prion ser gi preu di tuhan preu ei mem je au. Ma jibit nicuk jeti nya ba, jibon kwar di jikuk je bak nya hi bou jinda him au.

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

YAKOBUS 5:19

He disut bat jen, gino tungwagom ngkwei hanyen leu puig di nijit lene hiter brim noni kwei ei puig di nijitti hanyen,

YOHANES GI NICAN 1:8

Ma jingon sok kep jenti ser nhyema mun po nicom nahanggwap tut sar hanyen bi. Ma jibrim jingkek leu binhyepo jiyai jimuhup titut leu Allah.