LUKAS 16:9 - ALLAH NIHYET MEM TUNGWATU NYA

⁹ Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 16:9 Iomraidhean Croise

MAZMUR 73:26

Mbro nok gino dinghuisi jet bidingon bbwe lo, Na di Allah asindem tut da. Disuar Nani nindig bibor dor njiriek mun nindigsi nya hagom bijo ninno bijo kikau.

NIPINGOK NINGONTI 14:24

Tungwatu nya inggei sut yo di ingon ki tut ide ningon kiti noro ikan bidem tut yo di ingon mbum nya tug hon ide ningon mbumti.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIPINGOK NINGONTI 23:5

Lewo bon mun di anyeng tut dima hagom ngwig kros leu na dem kep nok mun di ninyehei ntun him ba, nok hacam krubri di mba ug ei mpia-bbed him bihigom cem.

NIBA NINGON SRIP HUKTI 11:1

Gino jikwas jide mun di jimati tut yam lene mijitug ndei mun dima yok hanyen dem igbit nituti.

YESAYA 57:16

Midiyai niyaijo nijep bak Ditde limwa nya. Midinjei kep yok dem kep nok yo di itunggwei nya bidigga yok bijo ninno bijo kikau bi. Diyai nok gima leu binhyepo ingon dahat bi.

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

MATIUS 6:19

“Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem.

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 14:14

Leu api Allah minjei mun di kei bina drek dip. Lewo bit bon yo dima ibirop hanyen bina kan bi. Noro Allah mibirop hanyen bina mpe dino Noni win yo di ingon sren nya bikiju hanyen leu imai eisi.”

LUKAS 16:11

Gino jingon gom tut mun di mipror yon ei dihyeisi dini bi lene tou riba ningon com je tut mun di bon ninyeng di bit bon pror yon hanyen bi sren i?

LUKAS 16:13

Bit bon tungwagom bon nonti nok awak mem niceu bat nya ibou can kan bi. Leu mporo ningon mpo tut hi lo, ningon gom tut hi. Noni miba nijoi biyai midyai mem hi lo, ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.”

LUKAS 16:4

Nnaba sikan tut puig di kei mem sa leu binhyepo tirigi siceu ciu ser sinyeng lene sibon sisut bat di micigit sa kui igya.’

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.