LUKAS 16:3 - ALLAH NIHYET MEM TUNGWATU NYA

³ Gima rino mindor dima kan ‘Siceu miciu ser sinyeng mindor. Sibon ndei notou i? Sisindem mem siwim dihyei cem sitig jui cem bi ba, simmai sut gima sigwam tindei tungwatu nya bisahara yok tut mun di bahati tut sa.

LUKAS 16:3 Iomraidhean Croise

ESTER 6:6

Tirigi Haman coi kwei lene nibou ndig hig ser “Dijoi sut mem gima diyai ninyeng di jei bak tungwagom lo, midibon ndei notou i?” Lo, Haman kan “Tou rima nibou ndig miyai ninyeng di jei bak nya i? Hiter hi bi. Sangkom ngat he.”

NIPINGOK NINGONTI 13:4

Mbro nok gino no di bong biei nda dip ningon pri kep mun nyeng hi lo, bit bon noni yai kan bi. No di nijoi bibor miyai mun di noni suar nya hagom.

NIPINGOK NINGONTI 15:19

Mun di buhun micut igkep no di mbris bikwop njap ngwa hagom noro micut igkep no di ningon gom bi.

NIPINGOK NINGONTI 18:9

No di nghen noyam kin ninggek kep mun cig.

NIPINGOK NINGONTI 19:15

Nnaba asindui sut no di nghen bibong mai hak ug. Noro jei bi ne ninggum minos noni.

NIPINGOK NINGONTI 20:4

No di ninda jo kep nide midyai biyai miai dem igbit nituti bi miyai njita kwei leu beisi cem bi.

NIPINGOK NINGONTI 29:21

Gino asok kep awak bi noro asindui sut ba, noni yai mun nyeng hagom bibit leu nonti ningon kanti tirigi mien kikau ug bipek nimahanti apino ningkek ndok bibor.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

HOSEA 9:5

Tirigi tto bou dem mem jiba jide njap ndig binggei sut tuhan ei jingkiaisi ne bit bon jiyem pesta kep kan bi.

MATIUS 20:8

Mpia jinjui su lene miai ceu dima cuk nide mindor bipai ‘Ahig yo di igyai midyai yahagom kwei lene ma ayai imuhup biyok. Ba, ayai bak yo di ikinyon eisi mem mmunti bibie sindam ug bipek yo di ikinyon eisi mem njap bigyoti ei ningwigsi.’

MARKUS 10:46

Yesus nya ikwei krau minu ndig Yerikho bimbut kikau bijo leu minu ndig dima leu api tungwatu ningot ndig ijop bram yok. Mpe dima lene Bartimeus di niyai tu gwam simpak ninghas ba, tindei tungwatu nya bahara yok. No dini nicig ninyeng Timeus.

LUKAS 12:17

Lene noni sindi kan ‘Side ig gudan nsi dem mem side njita dini yok hagom bi. Sibon ndei notou i?’

LUKAS 16:2

Gima rino andigpoi hig nide mindor kwei bihig ser noni ‘Anghapti di tibim kwei bida nijit-jau e? Ma apas kep tut ade midyai ninyohou ditde ndigbanti dima hagom ei srat laporanti ba, ayai bida. Bit bon dijem anyeng mindor di nyohou ditde mitiei kin ndigban bu bi.’

LUKAS 16:20

Mpe dima cem no di nuhui mbum di ninyeng Lazarus no rinaha ba, nibok jo bidem ningkek dip bibong ser dimbou hui ei no di nyeng bibor pima nide biyati bikwop njap-njap.

LUKAS 16:22

Mpe di gom ne no di nuhui mbum nide njap ngwig hon bimai leu api malaikati nya ibuwak noni buug gwam kui Abraham ninda com ei gwamti. No di nyeng bibor cem nide njap ngwi hon bimai ba, itig.

LUKAS 16:4

Nnaba sikan tut puig di kei mem sa leu binhyepo tirigi siceu ciu ser sinyeng lene sibon sisut bat di micigit sa kui igya.’

LUKAS 18:4

Nikei ningkek ndok tut kibom bimpu noni bi wer ninno tu. Nikei kan ‘Singon tindak ba, singondut tungwatu nya cem bi.

YOHANES 9:8

No dima nide yo di ninttig-tta nya kin yo di ingat kep noni tirigi tindei tungwatu nya bahara yok pima ihig yam “No dini ne no di gwam bitindei tungwatu nya bahara yok pima rin bi e?”

KISAH 3:2

Ba, pinjoi ndig gom di nimig lit habiei leu nisrekti kikau kwei bipek njap dima kep cem no rima. Nisut bat nya yuusap noni kwei bikwop njap-njap bikes noni nyahan bibong ser dimbou hui di ijem Dimbou Hui Di Kei Bibor leu binhyepo noni tindei tungwatu di icoi ug ei Tuhan De Ig bahara yok tut mun di ibingondut noni.

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

TESALONIKA GI NICAN 3:11

Nisok kep je nok lewo nimiap kep tut jinghapti bipia bihi di ibong biei nda dip kep ig yo risrig jikieti ba, yoni ihwou-hwou nyen mem gima ikwek dat yo di hiter ide munhyet.