LUKAS 16:2 - ALLAH NIHYET MEM TUNGWATU NYA

² Gima rino andigpoi hig nide mindor kwei bihig ser noni ‘Anghapti di tibim kwei bida nijit-jau e? Ma apas kep tut ade midyai ninyohou ditde ndigbanti dima hagom ei srat laporanti ba, ayai bida. Bit bon dijem anyeng mindor di nyohou ditde mitiei kin ndigban bu bi.’

LUKAS 16:2 Iomraidhean Croise

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

MATIUS 12:36

Ma jiyok ngon kep bipia tirigi Njap ningwig honti dem lene suar tungwatu nya yahagom ibiang bikwop ighyet di nok bu tan nibuhunti.

MATIUS 20:8

Mpia jinjui su lene miai ceu dima cuk nide mindor bipai ‘Ahig yo di igyai midyai yahagom kwei lene ma ayai imuhup biyok. Ba, ayai bak yo di ikinyon eisi mem mmunti bibie sindam ug bipek yo di ikinyon eisi mem njap bigyoti ei ningwigsi.’

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 16:1

Yesus pai bak yo di igya kui Noni “Mpe di gom ne andigpoi di nyeng bibor ta tungwagom nok mindor mem nide awak nya. Mindor dima nyohou mun di niceu nyeng tut nya hagom. Mpe di gom lene hi pui kep awak dima ninghapti bak andigpoi tut mitiei di noni bimangkrei.

LUKAS 16:3

Gima rino mindor dima kan ‘Siceu miciu ser sinyeng mindor. Sibon ndei notou i? Sisindem mem siwim dihyei cem sitig jui cem bi ba, simmai sut gima sigwam tindei tungwatu nya bisahara yok tut mun di bahati tut sa.

ROMA 14:12

Gima rino bikwop nyeni yahagom mibuhup hanyen bak Allah tut igyai munti nya.

KORINTUS GI NIGOM 1:11

Dibidip huk jeni nok lewo Kloe nide bat nya ibou poi ibakilak je bipai bida bipia jiliriem yam.

KORINTUS GI NIGOM 4:2

Mun di bon ninyeng mem no di awak rino ma ningon gom tut niceu a.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.

TIMOTIUS GI NIGOM 5:24

Bihi ide sisar jo nibreisi bindei dino itug ndei hukum. Noro hiter ide sisar jo nding ba, mipiet ei nidipti bu.

PETRUS GI NIGOM 4:10

Ma bikwop tungwagom-gom nyohou nisindemti di ter leu yam di Allah kwas tut je leu binhyepo jiba nisindemti dima yok bahati tut yam.

PETRUS GI NIGOM 4:5

Noro suar ibuhup tut igyai munti dima hanyen ei Allah Noho bei lewo Noni tin ei bigwam nok nikei mem yo di igyaijo kin yo di imai su nya.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.