LUKAS 15:4 - ALLAH NIHYET MEM TUNGWATU NYA

⁴ “Gino jigom hyen kep nide domba ningut sratus gom noro domba gom srawir lene noni mibon ndei notou i? Noni mikes nindigsi di ningot muhwindatai ba, muhwindatai ei abris nghousi leu api ug nggok gi hi di srawir kikau bibou ngat ug e.

LUKAS 15:4 Iomraidhean Croise

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YEREMIA 33:13

Gembala nya mikwop ide domba nya imangti hanyen bu ei minu ndig ngot ei hanjop nungug him kin hanjop nungug nimig kin minu Yehuda nibiho kin keret Benyamin ide hanjop nsi kin minu mien ngot di jo ttai minu ndig Yerusalem kin minu ndig nindigsi bidem minu Yehuda. Da di tuhan disimbot dat tu.”

YEREMIA 50:6

Ditde limwa nya idem kep domba di ide gembala nya isindui yok di israwir ei nungug him. Ba, imbut-mbut wai leu nungug hi ug ei nungug hiter bu ba, igikan tut itimieisi bu bi.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 34:31

Jit-jit! Jeni ne Ditde domba nya rin bidihyen kep je. Jinok Ditde limwa nya. Da di tuhan Di Dinyeng Jei Bibor disimbot dat tu.”

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.

YEHEZKIEL 34:8

Deheng bitug hon Danti di Allah di diyaijo dinyeng bipia ma jiyok ngon kep dihyet! Mindhe-ndhe di niten-pos nya yaham domba nya ningwig lewo ibon ide gembala hi bi. Je di gembala jingkek ndok tut domba dima yok. Jehek tut jenti noro jehek tut jide domba nya bi.

MATIUS 12:11

Yesus buhup “Gino jigom bon nide domba ningut gom ngat lo, domba dima cut ug ei jui nsi di jut bibor mem Njap Nigwam Kep Ninghuisi lene no dima miteu domba hanyen leu jui nsi bi e?

LUKAS 13:15

Yesus buhup “Je dini jingon mang! Jikwek sapi kin keledai nya leu kandanti bijijem yok kep minyei mem Njap Nigwam Kep Ninghuisi bi e?

LUKAS 15:3

Gima rino Yesus pai nihyet nibit nindati biyok,

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.