LUKAS 13:8 - ALLAH NIHYET MEM TUNGWATU NYA

⁸ Noro nide awak buhup ‘Andigpoi e, ma asindui sut ba, biei dima jo nijoti bibou dinyohou ninjem ba, diba pupuk bigimahap nitriti mem ari bingwam nitindur gom bu ug e.

LUKAS 13:8 Iomraidhean Croise

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 18:20

Niba gi kinei birop niyai munti di kei ne igbit rin e? Noro yo dima itig ndep jui ser da ba, imem kep ser nituti tirigi dicut eisi. Ma akan kep mpe di dimbrap bit Na bidiya hacan mem yok ser nhyema Ade ningon sibui bibor tut yokti micut leu yok.

YOEL 2:17

Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”

LUKAS 13:7

Gima rino noni nso nide awak di nyohou ba anggur nghousi tut bipai ‘Angat i! Dikwei nggok ser biei ara ningat ninno ei ari bingwam ningai noro biei dini ngat ningat hi bi. Awim hak ug lewo ceu ba anggur nghousi!’

LUKAS 13:9

Mpaba ningat mintun him ei ari bingwam gi nidipti bu e? Gi bi lene ma na di Andigpoi acuk da bidiwim ninjem hak ug.’ ”

LUKAS 14:35

Nsim di nyop bi kei mem ibigimahap miai ngausi ba, iba pupuk njita kioi cem bi. Gima rino icom hak ug. Gino jitingou dile lene ma jiyok ngon kep dihyet!”

ROMA 10:1

He disut bat jen, dingon bisau sut gima dide bat mben Yahudi igyai niteu leu sisarti kin niyaijo nijep. Duhuk nadi bak Allah kikau mem yok.

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.