LUKAS 12:1 - ALLAH NIHYET MEM TUNGWATU NYA

¹ Mpe dima lene tungwatu nya ibou sribu-ribu ingwig tai Yesus ba, iba yo dek yam bico kep yam mig cem. Lene Yesus sok kep yo di igya kui Noni “Ma jitindei ser roti ninjep di Farisi nya ide. Dipai sut ide ningon mangti.

LUKAS 12:1 Iomraidhean Croise

NIBOU NDIG NYA GI NICAN 7:17

Mpe dima lene nibou ndig nitom pima ya ser dimbou hui di itu ei ngug tig Samaria. Tirigi timiei minu dima yahagom yehei leu dimbou heisi dem kep nok nimpung di dimbun kei gom lene injei no dima ug ei dihyeisi bico kep noni binem-nnai bimai hak ug. Mun dini dem igbit Elisa nipai sut noti tirigi po nibou ndig kwei cem kep noni pima.

AYUB 20:5

no di sibut ningon nggei-hi-nggeisi jo jei bi. No di miap nihyet bi cem ningon keisi jo jei bi noro dem kep niyai mpau di bingmai he.

AYUB 27:8

Mpe dino Allah yai no di bon mun di kinei hacican ninnei leu lene miningwes ngun leu Noni ninda nsi yo e?

AYUB 36:13

Yo di ikuk yok bak Allah bi dima iku-ku nyen ide nigga biborti. Mbro nok gino Noni kes hukum ei yok dip lo, yahara bak mem gima Noni mpu yok bi.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

LUKAS 11:44

Aye! Buhun bibor mem je! Lewo jinok jui dip di tungwatu nya isrin ser bi dino imbut dip ninyen noro ikan tut bi.”

LUKAS 12:56

Jingon mang! Jitou kep dihyeisi kin mpia-bbed him lene bon jimbot kep tut mun di mipek kep mem je. Nggon rino bit bon jimbot kep tut mun di mipek kep mem nijam dini kan bi i?”

LUKAS 5:1

Mpe di gom bu lene Yesus ya-ya nyen ei igpong Genesaret nintig dip lo, tungwatu nya iba yo dek yam bingwig ttai Noni leu binhyepo intu kep Allah nihyet.

LUKAS 5:15

Noro Yesus ninghapti tibim kikau bidem minu dima hagom leu api tungwatu nya ningot ndig induk yam bingwig ttai Noni leu binhyepo intu kep nihyet. Noni bindei ba, yo di inggwen ikei hanyen cem.

LUKAS 6:17

Leu api Yesus ya tut yo di igya kui Noni bijuk leu mbigdip kwei bigya ei nipieti gom. Yo di nindigsi kin tungwatu ningot ndig di imbut imig kwei leu hanjop Yudea nisurti-nipekti kin timiei minu ndig Yerusalem nya kin yo di ikwei leu minu ndig Tirus kin Sidon di jo ei muk nintig dip yahagom ikwei ngat Noni.

KISAH 21:20

Imiap tut mun di Paulus kwop kep nya lene yahagom inggei sut Allah leu api ipai bak Paulus “Nikindig na e, angat bou ayai him bipia mben Yahudi ibou sribu-ribu ingon jo kep Yesus tu. Ba, yahagom ita ibou ei gima ibit Puig Yahudi nicukti nya cem.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.