LUKAS 10:6 - ALLAH NIHYET MEM TUNGWATU NYA

⁶ Gino no di ningon jo nyahan bong ser ig dima lene jide nipigo noti dima jo ei noni dip. Gi bi lene ma jibrim jide nipigo noti dima hanyen leu noni.

LUKAS 10:6 Iomraidhean Croise

MAZMUR 35:13

Noro mpe dino yo dima icut ei ninggwenti ne dingon ngguk tut yok lene diyem njita cem bi ba, duhuk bou bidingat nadi tindei yok,

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

LUKAS 10:5

Tirigi jicoi ug ei ig bei hi lene ma jipai biyok ‘Handei kon ba, Allah bindei ba, jibong kei jigwam kei.’

LUKAS 10:7

Ma jibong ei ig gom ngat lene ma jiba jingon di kwes kin yok biyem njita bidut ndia ngei di ingei mem je. Lewo no di yai midyai dima dem tut gima tug ndei nimuhup. Ma jibong bidem ig au.

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

YAKOBUS 3:18

Yo di ingon ngakei nibong kei-nigwam kei ne indim ningan ningon kwes kin yamti kin ningat di kei ntun.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

SAMUEL GI NIGOM 25:17

Gima rino Inyinai e, abinai sut mun di buhun dini ba, akos tut mun nyeng dima ayai haninyai. Lewo Daud nya ikos tut bipia mibuhup ba, ikes hukum ei side Andigpoi kin nide ig nsi nya hagom dip ug ri. Side Andigpoi ningkek ndok apino dem tut gima miap hi nipingok noti kan bi.”