LUKAS 10:2 - ALLAH NIHYET MEM TUNGWATU NYA

² Noni pai biyok “Njita nindig bibor len tu noro yo di ikos njita kwei nya ibou cin-can he yo. Gima rino ma jingat nadi bak miai niceu leu binhyepo noni micuk tungwatu nya ba, yuug kos bipian njita hagom kwei ei ig gudanti.

LUKAS 10:2 Iomraidhean Croise

NIBOU NDIG NYA GI NIGOM 18:22

Lene Elia pai biyok “tuhan de nabi nindigsi imai bingwig noro dangkom he diyaijo. Noro Baal de nabi dima yok imangti ibou sratus bitai ningot muhwi.

MAZMUR 68:11

Leu api Ade limwa nya ibong timiei ei mpia dima. Allah e, anyohou yo di yuhui mbum nya tug hon angon di kei sut yoti.

YEREMIA 3:15

Lene midita nibou di ibit dihyet nya mem je yo. Yoni iba ningon di ki kin ningon di huk niti bibie tut je.

ZAKHARIA 11:17

Gembala di kinei di kes nimpung domba nya ei dima mitug ndei nisigion noti! Pran mibicut mimbri di kui ningkek hak. Ninda pang mijet bibor lene niyai nite bei ninda com mitu hak!”

MBEN ISRAEL IMBUT-MBUT NYEN 11:17

Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

MBEN ISRAEL IMBUT-MBUT NYEN 11:29

Noro Musa buhup “Nani abrim angkek mem ampu dani e? Dijoi sut bipia tuhan yai Nonti Ninnei bak Nide limwa nya yahagom ba, bindei yahagom ba, inok nabi nya.”

MATIUS 20:1

Allah Ninyeng Tak Kepti rinok miai ceu gom di mbut mem njap bigyoti binggok tungwatu di igyai midyai bi nya leu binhyepo igyai kep midyai ei nide ba anggur nghousi.

MARKUS 13:34

Bit leu nok andigpoi di tin ei bimbut rin ba, nipou tirigi mbut bigyo lene ndo midyai bak nide awak nya lene ba midyai bibikwop yok nipou ug e. Noni sok kep no di ya ser dimbou hui leu binhyepo suar bong nyek ser ba, niyai ngkiem.

MARKUS 16:15

Lene Noni cuk yok “Ma jimbut bijuug ei dihyei nisurti-nipekti ba, jitri tut Allah Nihyet Di Kei bak tungwatu nya yahagom.

MARKUS 16:20

Gima rino yo di igya kui Noni intek gimahap ug ei dihyei nisurti-nipekti bitri tut Allah de Nihyet Di Kei. Tuhan ba No kum yok lene ba mindur nya bindo bindo bipia mun di tibim ei yuhui him dima ne mun di nijit-jau ri.]

LUKAS 9:1

Lene Yesus nduk yo di igya kui Noni ibou simnaibrimigcan kwei biyai nisindemti biyok leu binhyepo ijji ninnei rom nya ba, ibindei yo di inggwen nya bikei hanyen.

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 13:4

Barnabas kin Saulus imbut birop ug ei minu ndig Seleukia bit leu nok Allah Ninnei nicuk yokti. Leu api ibri kibar minyei gom biyuug ei Mios Siprus.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 8:4

Yo di ingon jo kep nya di intek gimahap pima itri tut Nihyet Di Kei bidem minu dima kou hagom.

KORINTUS GI NIGOM 12:28

Nok gima cem Allah ta nimbumbati hagom bintun mbusyamei nya him bit leu ningon kanti. Noni ta yo di igya kui Yesus bigya bibie. Leu api ta yo di imbot kep tut Allah ningon kanti abia kep yok bu. Leu api ta guru nya abia kep yok bu. Leu api ta yo di ibon mindur nya kin yo di ibindei yo inggwen nya ikei hanyen kin yo di ingondut nuhui mbum nya kin yo di ibie tut tungwatu nya kin yo di iba nihyet mindur bimbrap nya cem yahagom ei mbusyameisi.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NICAN 6:1

Niyai midyai bit Allah. Gima rino nitigtai je leu binhyema jibimangkrei Allah nisingat tut jeti au.

FILIPI 2:21

Nindigsi nya yahagom ibou buwei kep mun di bon ninyeng mem yonti. Ingon hek tut Yesus Kristus ningon kanti mem yok bi.

FILIPI 2:25

Tut isut Epafroditus di jicuk kwei di mpu da ne dikos tut bipia suar dicuk noni bihwou ngat je hanyen. Noni ya kui da bibrim ningkek bibahati tut Nihyet Di Kei cem bit da ei mpia dini.

FILIPI 2:30

lewo noni nggok nimai eisi binggwen nindig bibor cem drek dip midyai nitri tut Kristus nihyetti leu binhyepo hati tut da biya luei johoti.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 2:9

Disut bat jen, jo nibreisi mem da bipia jiyok ngon kep bipia ninda jo kep midyai nitu tirigi ningat rin ei jikieti ba, nigruap-gruap nyen tut midyai dima. Niyai midyai dima bikwop mmun-njap leu binhyepo nibindin je tut mun di bahati nye tirigi nitri tut Nihyet Di Kei bije bi.

TESALONIKA GI NIGOM 5:12

Disut bat jen, nitigtai je leu binhyepo jibou cut bak jide nibou nya di Tuhan ta mem Nide midyai di igyai ei jikieti lewo Noni dimig yok ei mem midyai nibie tut jeti kin nipingok jeti.

TESALONIKA GI NICAN 3:1

Disut bat jen, nipingok jeti ningwigsi rinok gini. Ma jingat nadi tindei nye leu binhyepo Tuhan nihyet mbut sindem bikieng kep minu dini hagom ba, tungwatu nya ijoi sut nihyet bit leu nok gi pek kep mem je nipou su.

TIMOTIUS GI NIGOM 4:10

Nyeni igyai midyai sindem bibor ba, ita ibou eisi lewo iba ingon com Allah di niyaijo di joi sut tungwatu nya yahagom igyai niteu leu sisarti kin niyaijo nijep. Noni teu yo di ingon jo kep nya leu sisar biyai niyaijo nijep biyok tu.

2 TIMOTIUS GI NICAN 4:5

Mbro nok gima lo, suar angon nddong tut mun di pek kep mem na hagom. Ma aba abou coi sut ninghuisi di wei. Atri tut Nihyet Di Kei ba, abindei mbut ade midyai nya hagom dem kep nok Allah de awak di kei.

FILEMON 1:1

Srat dini leu da di Paulus kin sisut Timotius ba, disima ei ig bui nsi drek dip gi dinok awak mem Kristus Yesus. Dipinak srat dini bak na di Filemon lewo nani ne disut rin ba, ayai midyai mem Kristus noyam kin nyeni.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

NINGAT-HI-NGAT NYA 2:1

“Apas srat dini bak malaikati di buhup tut mbusyamei ei minu ndig Efesus. Nipas kepti dini kwei leu No di krau ham ningat muhwindacan pima ei ninda com di biya srig mini njeng nidihim ningat muhwindacan di iba mas bibon ri.