LUKAS 10:11 - ALLAH NIHYET MEM TUNGWATU NYA

¹¹ ‘Nikit nimig tut jide dihyei ndung di rap nimig jou leu nok mun di bindo di biki jingon. Noro ma jiyok ngon kep bipia Allah ninyeng tak kepti dideu kwei ei jikieti tu!’

LUKAS 10:11 Iomraidhean Croise

YEHEZKIEL 2:5

Mpaba ingig itingou mem ahyet e, he bi e, dikan tut bi. Noro gi bon ninyeng rino suar ikan tut bipia nabi gom no rinaha ei ikieti.

MATIUS 10:14

Gino ig niceu bat nya kin timiei nya igya um je bintu kep jihyet bi lene ma jingkwei nyahan leu minu ttou nsi dima ba, jikit jimig jou tut ide dihyei ndung di dimbos hak ug.

MATIUS 10:7

Jitri tut biyok bipia Allah Ninyeng Tak Kepti dideu kwei su.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MARKUS 6:11

Gino juug ei minu ttou nsi hi lo, tungwatu nya igya um je bintu kep jihyet bi lene ma jingkwei nyahan leu minu ttou nsi dima ba, jikit jimig jou tut ide dihyei ndung di dimbos hak nok mun di bindo biyok.”

LUKAS 10:10

Tirigi jicoi ug ei minu ndig gom noro tungwatu nya igya um je bi lene ma jiya hak ei simpak bijisok kep yok,

LUKAS 10:9

Ma jibindei ba, yo di inggwen ei minu ndig dima ikei hanyen lene ma jitri tut biyok ‘Allah ninyeng tak kepti dideu kwei ei jikieti tu.’

LUKAS 9:5

Gino tungwatu nya igya um je bi lene ma jingkwei nyahan leu minu ttou nsi dima bijikit jimig jou tut ide dihyei ndung di dimbos hak nok mun di biki ingon a.”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 13:40

Gima rino suar jitindei ser mun di nabi nya isok kep tungwatu nya tut leu binhyepo mun dima cut igkep je bi. Nabi nya ipai,

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 13:51

Leu api Paulus kin Barnabas ikit imig jou tut dihyei ndung di dimbos leu imig nok mun di bindo di bipingok ingonti leu lene irop ug ei minu ndig Ikonium.

ROMA 10:21

Noro Yesaya pai sut mben Israel “Allah pai ‘Disu Dinda bikwop njap ngwa hagom ba, dipi bidikrau mben dima inda noro ingkek ndok bibit dihyet bi.’ ”

ROMA 10:8

Noro nimbot kepti pai “Allah Nihyet jo dideu je ei juhui him kin jingonti.” Gima ne nihyet di pai bipia suar tungwatu nya iba ingon com Allah di nitri tut bije.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.