LUKAS 1:2 - ALLAH NIHYET MEM TUNGWATU NYA

² Yo dima ipas kep mun di tungwatu nya ingat bou igyai him habiei leu nimbie him di ipui kep binye leu api itri tut hanyen bu.

LUKAS 1:2 Iomraidhean Croise

MARKUS 1:1

Gini ne Nihyet Di Kei tut Yesus Kristus di Allah Nipmot ri.

MARKUS 16:20

Gima rino yo di igya kui Noni intek gimahap ug ei dihyei nisurti-nipekti bitri tut Allah de Nihyet Di Kei. Tuhan ba No kum yok lene ba mindur nya bindo bindo bipia mun di tibim ei yuhui him dima ne mun di nijit-jau ri.]

MARKUS 4:14

No di hap njita ngan pima rino hap Allah nihyet.

LUKAS 24:48

Jingat mun di pek kep dima yok hagom bou jiyai him tu.

YOHANES 15:27

Jeni cem ma jitri tut Da lewo jiya kui Da leu nimbie him kwei bipek ammani kep tu.”

YOHANES 16:4

Noro ditri tut dihyet dini bije nogindini leu binhyepo tirigi tto bou dem ba, hagom cut igkep je lene jiyok ngon kep bipia ditri tut hagom bije tu.” “Ditri tut mun dini yok bije ei nimbie him bi lewo dingat rin bit je yo.

KISAH 1:3

Niabiati Noni yai nimai bikiju hanyen lene Noni ndo niyaijo nijepti brei biyok tug hon nisinati mang bibor mem njap ningot bitai. Yoni ingat Noni brei bou igyai him leu api Noni simbot kep tut Allah Ninyeng Tak Kepti biyok.

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

KISAH 14:25

Niabiati itri tut Allah nihyet bak timiei nya ei minu ndig Perga leu lene ingkwei hanyen ug ei minu ndig Atalia,

KISAH 16:6

Allah Ninnei sindui sut gima Paulus kin Silas itri tut Allah nihyet ei hanjop Asia bi. Gima rino igya bidem hanjop Frigia kin Galatia.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 26:16

Akiju ba, aya pijum! Dindo Danti brei bina leu binhyepo didimig na bidibindei ba, anok awak mem Da. Suar atri tut Da di angat bou ayai him njap di ammani kin mun di dindo bina ei nidipti bu cem bak tungwatu nya.

KISAH 4:20

Lewo bit bon nikimut nuhui leu mun di ningat bou niyai him binimiap ei nitingou nsi cem kan bi.”

KISAH 8:4

Yo di ingon jo kep nya di intek gimahap pima itri tut Nihyet Di Kei bidem minu dima kou hagom.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

KORINTUS GI NIGOM 4:1

Ma jiba jingon bisrip huk tut nye bipia ninok awak mem Kristus. Allah ba ningon com nye tut Nide ningon kanti di tungwatu dihyeisi dini ikan tut bi.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NICAN 1:16

Tirigi ningginau je tut Tuhan Yesus Kristus nikwei hanyenti di bon ninyeng mem nye ne nindat kep mumpui di tungwatu nya itri tut bi. Noro ningat Kristus nikei-kau-keisi bou niyai him tu.