FILIPI 3:3 - ALLAH NIHYET MEM TUNGWATU NYA

³ Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 3:3 Iomraidhean Croise

MAZMUR 105:3

Noni ne tuhan di ninyeng jei ri. Jikwei ba, ingon llei bibor lewo Noni nyeng tut nye. Ma yo di ikuk yok biNoni ingon llei bibor.

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 15:17

Gima rino bon dingon jei sut midyai di diyai mem Allah lewo dinok gom kin Kristus Yesus.

ROMA 7:6

Noro tini bu ne Allah kwek nye leu Puig Yahudi niggai serti nide nisindemti. Indo imai eisi bak Puig Yahudi niggai serti di tak kep nye tu. Nogindini nyeni iba nisinati nijep biyai midyai mem Allah tug hon Allah Ninnei nibie tut nyeti noro tug hon Puig Yahudi niggai serti nipas kepti bi.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

ROMA 8:39

kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

ROMA 9:6

Dipi bidipai bije bipia Allah nipreu ei mem Nide limwa nyati cut bi. Noro ningat ne mben Israel yahagom inok Nide limwa di Noni dimig ei su nya bi.

KORINTUS GI NICAN 11:18

Jo nibreisi bipia nibou nya imang bibor ingon jei sut yonti ide ningon kiti di ntun dihyeisi dini him. Gima rino dani cem diyai bram igyaisi dima.

GALATIA 5:25

Allah Ninnei yai niyaijo nijep binye. Gima rino suar isindui sut Noni ba, ibit nibie tut nyeti.

GALATIA 6:16

Handei kon ba, Allah singat tut Allah de limwa nya di ice tut bibit dicuk jeti dini yahagom ba, ingon jo nyahan.

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

NINDAT KEP TUHAN NICUKTI NYA 10:16

Gima rino hon kep ammani kui ma jibit tuhan nihyet. Lene ma jingkek ndok bu au.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

FILIPI 3:14

Gima rino didor bidihallu kak puig ndam nipekti leu binhyepo ditug ndei niyaijo ei gwamti. Tut gima rino Allah hig nye kwei tug hon Kristus Yesus.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.

YUDAS 1:20

Noro disut bat jen, ma jiba jide niba ningon com Yesus Kristusti di kwes-kwau bingot jide niyaijoti noyam kin jingot igya. Lene jibingat nadi kin nisindemti di kwei leu Ninnei Gi Kwes.