FILEMON 1:1 - ALLAH NIHYET MEM TUNGWATU NYA

¹ Srat dini leu da di Paulus kin sisut Timotius ba, disima ei ig bui nsi drek dip gi dinok awak mem Kristus Yesus. Dipinak srat dini bak na di Filemon lewo nani ne disut rin ba, ayai midyai mem Kristus noyam kin nyeni.

FILEMON 1:1 Iomraidhean Croise

KISAH 16:1

Paulus binut nimbutti buug ei minu ndig Derbe kikau ug ei minu ndig Listra cem. Timotius di ningon jo kep Yesus bong ei minu ndig dima. Nipmem ne sop Yahudi ba, ningon jo kep Yesus. Noro nicig mben Yunani.

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

KORINTUS GI NICAN 1:1

Srat dini leu da di Paulus ba, diya kui Kristus Yesus tug hon Allah ningon kanti mem da. Dipas srat dini bak Allah de mbusyamei ei minu ndig Korintus kin Nide limwa nya yahagom ei hanjop Akhaya nisurti-nipekti. Da di Paulus kin isut Timotius ningat nadi leu binhyepo,

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

EFESUS 6:20

Diya hacan tereu nok no di mbrap gau Allah Ninyeng Tak Kepti drek dip Nihyet Di kei lo, disima ei ig bui nsi. Ma jingat nadi tindei da leu binhyepo dibrim dingkek tut Nihyet Di Kei kep tungwatu nya bit leu nok Allah ba ningon com da tutti.

FILIPI 1:1

Srat dini leu da di Paulus kin Timotius ba, nyeni ne Kristus Yesus De awak nya ri. Srat dini mem Allah De limwa nya di inok gom kin Kristus Yesus ei minu ndig Filipi bitut nibou mbusyamei nya kin yo di igya kui yok.

FILIPI 2:25

Tut isut Epafroditus di jicuk kwei di mpu da ne dikos tut bipia suar dicuk noni bihwou ngat je hanyen. Noni ya kui da bibrim ningkek bibahati tut Nihyet Di Kei cem bit da ei mpia dini.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 1:1

Srat dini leu da di Paulus ba, diya kui Kristus Yesus bit leu Allah ningon kanti mem da. Disut Timotius ba no bikum da ba, nipas kep srat dini,

KOLOSE 4:11

Yesus di ninyeng hi Yustus pigo je. Ibou ningai he dini leu mben Yahudi di ingon jo kep Tuhan Yesus igyai midyai mem Allah Ninyeng Tak Kepti bit da ba, yahati tut da nindig bibor.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TESALONIKA GI NICAN 1:1

Srat dini leu da di Paulus kin Silas kin Timotius. Dipinak srat dini bak je di mbusyamei di jinok Icig Allah kin Tuhan Yesus Kristus ide limwa nya ei minu ndig Tesalonika.

2 TIMOTIUS GI NICAN 1:8

Gima rino ma ammai sut gima atri tut side Tuhan au. Ma ammai sut gi disima ei ig bui nsi dini drek dip Kristus cem au. Noro Allah misindem tut na mem gima atindei ser nituti tirigi apriet kin ninghuisi wei drek dip Nihyet Di Kei.

FILEMON 1:23

Epafras di sima ei ig bui nsi bit da drek dip midyai di noni yai mem Kristus Yesus cem pigo na.

FILEMON 1:24

Markus kin Aristarkhus kin Demas kin Lukas yahagom di igyai midyai mem Kristus noyam bit da cem ipigo na.

FILEMON 1:9

Midiba ditde ningon ngakei nati he bahara na. Diwer andigpoi su ba, nogindini disima ei ig bui nsi drek dip gi dinok awak mem Kristus Yesus.