DIUN MIMUN 8:5 - ALLAH NIHYET MEM TUNGWATU NYA

⁵ “Tou rikwei leu iggum ndigsi dima di nide ningon kieti ingou yam dima i?” “Diwin na leu abongti ei biei apel ngat behei mpia di apmem tta buhun tut na di srek tut na eisi ri.

DIUN MIMUN 8:5 Iomraidhean Croise

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

MAZMUR 63:8

lewo ampu da ninno tu. Diba dingon di llei bibor bipai doia tirigi diku da ei anyehei di yon gau da.

MAZMUR 63:9

Dikat Na bingkiem bibor leu api aba anda di sindem bibor bahati tut da.

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

DIUN MIMUN 3:11

Je di sop gwam nitta pilei minu ndig Yerusalem e, jehei kwei bijitou kep Nibou Ndig Salomo di su no tut topi nibou ndig di nipmem bijuk nibou ei njap di nitnem yoni iwak yamti. Njap dima ne ningon llei nindig bibor!”

DIUN MIMUN 3:4

Sindi dikes yok bidimbut leu yok lene duum no di dingon kieti. Disu dinda bidikat ninda bidikes hanyen bi ba, nuug kikau ug ei dipmem de ig. Dibuwak ug ei no di srek tut da nide ninsi.

DIUN MIMUN 3:6

“Mindei rikwei leu iggum ndigsi dima di kui bidem bumbuhui nggop ei mpia-bbed him i? Nuui di tun dem kep mur kin biei nggrai di ui-gwang kei nuui di ttun ba, noyam kin bedak di nuui tun kei di nitri-nipek mun cig nya ittei kwei bitri.

DIUN MIMUN 4:8

Ninyan e, ma akwei ba, sijuk leu Nungug Libanon. Akwei ba, sikes Amana ninggram him kin Senir-Hermon ninggram him ei o. Lewo gima ne mindhe macan tutul kin singa ide mpia di ibongti ri.

DIUN MIMUN 6:10

No di nikweisi dem kep hambong di pri ba, bed mmun di kei-kau cem bipiga kei bidem mpia yaisi ninyeng tou i? Nuubbuti brim dingon bibor bidem kep nimpung tentara di injei sut ide kendera nya di bindei ninggap leusi.

DIUN MIMUN 8:1

Dijoi sut pia gino nani ne dikijam ningat di dut dipmem nido ngei rin lene mmo yo gi simei yam ngyoi tirigi suum yam ei simpak leu api hi dima mipai sa kinei drek dip bi.

YESAYA 36:6

Ningat ne jiba jingon com tentara Mesir di mikwei mpu je lo, ide nisindemti dem kep no di ba bika bitom no pimo. Tom dima midahat bidat jinda bia bei ri. Nok gima tut yo di iba ingon com nibou ndig Mesir di mahati tut yok yahagom.’ ”

YESAYA 40:3

Tungwagom nihyet tibim bipai “Ma jitin puig di sren kei ei mpia nintiti mem tuhan nimbutti! Ma jiji kep njuisi bisur yam mem ide Allah ei iggum ndigsi!

YESAYA 43:19

Ma jitindei ser mun di nijep-jau di midibon nya. Mun dini sindi pek kep mem je lo, jingat bou jiyai him bi e? Lewo miditin puig ei mpia nintiti bidibindei ba, minyei nya mibiam ei iggum ndigsi cem.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

HOSEA 12:4

Ide pung Yakub di intun him ba no dek Esau munggwom nggre ba, hei bibie leu nipmem ninghopti. Tirigi Yakub mahan tu lene noni kin Allah idahat kukwei yam.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

YOHANES 13:23

No di ya kui Yesus di ningon kieti gwam simiak Noni.

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

GALATIA 4:19

Dimunggwom bat jen! Dinghim dut tut je noyam kin sop di ninghim dut tut munggwom. Dinghim dut tut je kikau bibou Kristus ningon mien paisi com nigau ei jingonti ug e.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

NINGAT-HI-NGAT NYA 12:6

Sop dima nang ug ei iggum ndigsi ug ei mpia di Allah tin ei mem noni. Leu api Noni nyohou sop dima mem njap sribu gom sratus can ningot muhwindagom.