DIUN MIMUN 7:12 - ALLAH NIHYET MEM TUNGWATU NYA

¹² Akwei ba, siba njap tekti bisuug ei miai ba anggur nghousi leu binhyepo siyok siyai kep ba anggur nitou di bimbuk ba, nitou kieng tu e? Apo delima nitou gwam niti tu e? Leu api siyem njita tut yam ei sirima.

DIUN MIMUN 7:12 Iomraidhean Croise

MAZMUR 122:5

Nibou ndig di intun Daud him nya imbus ide limwa nya ingonti ei mpia dini.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 73:25

Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

NEHEI LEUSI 25:22

Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

DIUN MIMUN 2:13

Biei ara sindi ngat ningat. Ba anggur nitou kieng tu ba, nuui tun kei. Ninjei hwen de ug o, akwei! Aso ubbu ngat de ug o, akwei!

DIUN MIMUN 2:15

Ma jikat mindhe rubah mien nya di itin ei mem ibindei kinei ditde miai ba anggur nghousi. Lewo miai ba anggur kioi sindi digek yo.”

DIUN MIMUN 4:13

Biei delima nya hei ei biei nghousi dima biya tut ningat di nyop kei ba, noyam kin biei pacar ningat kin mitou narwastu,

DIUN MIMUN 4:16

“Hou di cut kwei leu mpia nijjai e, ma akiju, hou di cut kwei leu mpia nibiho e, ma akwei! Jicut bijikui ditde miaiti leu binhyepo nuui tun bikieng kep mpia. Nnaba no di dingon ngakei kwei ei nide miaisi biyem biei ngat di nyop kei nya ug.”

DIUN MIMUN 6:11

Dikwei ei miai kenari nghousi di jo mbang briep ba, dingat mitou di bimbuk nya. Ba anggur nitou kin biei delima nitou gwam niti tu.

DIUN MIMUN 7:11

Na di dingon ngakei na e, akwei ba, suug ei ngoi dumti nya ba, sibong nyahan ei sirima ei mitou pacar nghousi.

DIUN MIMUN 7:6

Nani ne sop ubbu ngat dor njiriek sop di dingon ngakei yok nindigsi nya ri.

YESAYA 18:5

Tirigi nijam di tungwatu nya ikos ba anggur ngat bigyo lo, niabiati nitou tou billet leu ba, ba anggur ningat nggwop ei ninjem him bigyo lene krop kei mem gima siceu nya migya kep mben Sudan bitimek hak noyam kin gi iba singau bikos ba anggur ninda nya leu pimo.

KISAH 15:36

Jei bi lene Paulus pai bak Barnabas “Akwei ba, simbut ri. Suug cem kep sisut bat yo di ingon jo kep Yesus nya bidem minu ndig di sitri Allah nihyet eisi hagom leu binhyepo singig siyai kep yok.”

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

KORINTUS GI NICAN 13:5

Ma jibinai yam ngonti leu binhyepo jinggok tut gino jiyai munti nya ntun jide niba ningon com Kristusti him! Jikan tut mungkun bipia Kristus Yesus ningat rin ei jingonti e? Gi bi ne jingon jo kep Noni mungkun bi.

EFESUS 6:24

Handei kon ba, Allah singat tut je dino jiba jide ningon ngakei yamti di ug hon nohonti bi dima bingon ngakei ide Tuhan Yesus Kristus. Nipigo leu dani, Paulus

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

IBRANI 2:13

Yesus pai bu “Midiba dingon com Allah” bipai bu “Dingat rin ba, munggwom di Allah yai biDa nya yo rinaha bit Da.”

IBRANI 2:15

Tug hon nisinati dima lene Noni kwek yo di inok awak mem nijam di igyaisi jo drek dip ide nittin tut nimaisi.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.