DIUN MIMUN 6:4 - ALLAH NIHYET MEM TUNGWATU NYA

⁴ “Ditde di ninjei hwen e, nani sop ubbu ngat ri. Ade nuubbuti dem kep minu ndig Yerusalem kin Tirzah yuubbuti. Abrim dingon bibor dem kep nimpung tentara di injei sut ide kendera nya di bindei ninggap leusi.

DIUN MIMUN 6:4 Iomraidhean Croise

NIBOU NDIG NYA GI NIGOM 14:17

Tirigi Nabi Ahia pai gima yok hagom bak tu lene Yerobeam nitnem kiju bingkwei hanyen ug ei Tirza. Hammi tirigi noni su nimig bicoi ug ei nide ig lene nipmot ninnei kimbas bimai.

NIBOU NDIG NYA GI NIGOM 15:21

Tirigi Baesa miap tut mun di cut igkep mben Israel dima lene kes ninda tut midyai di yai di bindei sindem minu ndig Rama pima leu bingkwei hanyen ug ei Tirza. Lene bong hak ei Tirza ba, gikon pran mem nijam dima bu bi.

NIBOU NDIG NYA GI NIGOM 15:33

Tirigi Nibou Ndig Asa ninyeng tak kep timiei Yehuda nya mem nijam ari bingwam ningai lene Baesa di Ahia nipmot kui bigwam nok nibou ndig ba, ninyeng tak kep mben Israel titut yam. Noni bong ei Tirza ba, ninyeng tak kep mben Israel mem nijam ari bingwam nyatungwagom ba, bitai.

MAZMUR 48:2

tuhan ne No di kei-kau-kei. Nyeni ikon ninyeng bibor ei ide Allah de minu ndig di iwin ei mbigdip di kwes-kwau.

MAZMUR 48:3

Mbigdip di Allah de dima kei-kau ba, ninyeng rino Sion. Nibou ndig di ninyeng jei bibor de minu ndig dima ne biyai tungwatu dihyeisi dini hagom ingon nggei-hi-nggei.

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

DIUN MIMUN 1:15

“Na di dingon ngakei e, aubbu ngat. Ningat ne nani ubbu ngat! Ba, ayai nggrop mbris bibor.”

DIUN MIMUN 1:5

Je di sop minu ndig Yerusalem e, mbro nok gino dingkek rom lo, dani ne sop di ubbu ri. Diromti dem kep prak meng di yohok ei iggum ndigsi Kedar. Noro dingkek dia-diau bidem kep minghas mbrawin ngot di ipindur ei Salomo de ig nibou ndig!

DIUN MIMUN 2:14

Ayo! Ditde hakimoi di bong tig nggreti anai bibor e, ma asindui sut ba, dingat aimaisi mbigom bidimiap ahyet gom ug e. Lewo aimaisi kei-kau lene ahyet mmau kei.

DIUN MIMUN 4:7

Nani ne ditde sop ubbu ngat di ninjei hwen rin ba, mun di kinei hi rap nani bi.

DIUN MIMUN 5:2

“Dibong noro dingon yat nai. Dimumpriem ba, no di dingon ngakei no puk dimbou bipai.” “Na di dikinjoi di dingon ngakei e, na di hakimoi e, na di dinggei sut e, ma akau dimbou leu da. Nggou mmun bindei bidibou ndot. Dibou nta mpung tut ham nggou di cut mem mmun.”

DIUN MIMUN 6:10

No di nikweisi dem kep hambong di pri ba, bed mmun di kei-kau cem bipiga kei bidem mpia yaisi ninyeng tou i? Nuubbuti brim dingon bibor bidem kep nimpung tentara di injei sut ide kendera nya di bindei ninggap leusi.

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

KORINTUS GI NICAN 10:4

Niba minggwen di ntun dihyeisi dini him bikon pran bi. Noro niba Allah de minggwen di sindem bikon pran binibindei timek tentara nibousi di igya coi nya. Nibindei timek niba nihyet dahat yamti di nijit-jau bi nya ba,

EFESUS 5:27

leu binhyepo Noni bindei ba, mbusyamei ya ei Noho bei kin gi kei-kau-kei ba, kwes-kwau ba, mun nyeng hi rap mbusyamei nitta ba, nirom kuisi bi.

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.