DIUN MIMUN 5:4 - ALLAH NIHYET MEM TUNGWATU NYA

⁴ No di dingon ngakei dima su ninda ei dimbou mihyeti kwei. Lene gima biyai dingon di pri bida.

DIUN MIMUN 5:4 Iomraidhean Croise

NITRITI 43:30

Jei bi lene ningon ngguk tut nikinjoi ngi-ngat nindig bibor ba, mbigom moom kep ningon kan bi ba, mittin ninnei. Gima rino noni bipbur buug leu yok bicoi nghim nsi leu api pim biniyai nggwei kibor drek dip nikinjoi ngi-ngat dima.

NITRITI 7:11

Hon kep tirigi Nuh de njap ug ei ari bingwam sratus muhwindagom mem bed gi nican ba, njap gi nisimnaimuhwidip brimigtehican lene minyei ei dihyei jou hagom kindi hei ba, ut kep dihyeisi leu api minyei ei mpia-bbed him nide dimbou cem hagom kau leu hak.

NIBOU NDIG NYA GI NIGOM 3:26

Apino ningwoi-ngwoi di niyaijo nipmem ngig-ngat hara ser “Andigpoi e, ma ayai nimai bak au! Nnaba ayai noni bak sop dima hak ug!” Noni pai nok lewo ngondut nipmot nindig bibor. Noro sop gi hi ce bipai “Mbro nok gino nahacem niyai ningwoi-ngwoi dima tut niyaisi hanyen bi lo, ma asra noni hacan hak ug!”

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

KORINTUS GI NICAN 8:16

Nipai sigyo bak Allah lewo Noni ribindei di Titus cem ta nibou ei midyai nimpu jeti noyam kin nyeni!

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.