DIUN MIMUN 2:9 - ALLAH NIHYET MEM TUNGWATU NYA

⁹ Noni dem kep andai nikre kin rusa nikre nitu. Jingat i! No ya ngug tig ninghim ma kwei biba niyai binggok-nggok nyen ser lene su niyai ei kendera mihyeti bitou kep kwei.

DIUN MIMUN 2:9 Iomraidhean Croise

SAMUEL GI NICAN 2:18

Zeruya nipmot bat ibou ningai di Yoab kin Abisai kin Asael ingat rin ei sirima. Asael nidorti dem kep rusa nidorti.

NIPINGOK NINGONTI 5:19

Noni ne sop gwam nitta pilei di ubbu ngat di dem kep rusa di ba nippai biyai mun rin. Asindui sut ba, ningut di ubbu dima bindei ba, ampig bou kep noni hak ba, ningon pri kep nati hwen-hwen nyen angona.

NIPINGOK NINGONTI 6:5

akwek nanti leu bansi dima dem kep nok ha kin rusa di kwek nonti biningwes ngun leu no di huk no mem gima prindei no ug e.

NIPINGOK NINGONTI 7:6

Mpe di gom ne dingat rin ei ig bei bidiya kui kendera mihyeti,

DIUN MIMUN 1:16

“Na di dingon ngakei bibor e, aubbu ngat. Aubbu ngat nijit a. Abris nghousi minok nghim nsi di siyem njita tut yam eisi ba,

DIUN MIMUN 2:17

kikau bipek hou njap tekti cut bico kep mmun nidinditi bipren ug e. Na di dingon ngakei e, ma angkwei hanyen dem kep andai kin rusa nikre nitu di ya kikep ei nungug him Beter kwei.

DIUN MIMUN 2:7

Je di sop gwam nitta pilei ei minu ndig Yerusalem e, ma jipreu ei tug hon rusa nitu kin andai di igya iggum ndigsi nya inyeng bipia mijiwaisi nye au bibou niyem njita tut yam bingwig ug e.”

DIUN MIMUN 3:5

Je di sop gwam nitta pilei minu ndig Yerusalem e, ma jipreu ei tug hon rusa nitu kin andai di igya iggum ndigsi nya inyeng bipia mijiwaisi nye bi bibou niyem njita tut yam bingwig ug e.”

DIUN MIMUN 8:14

“Dingon kieti e, ma ador kwei ba, aum da lewo dinoyam kin andai kin rusa nikre nitu di idor ug ei biei ngat di nyop kei ninghousi ei nungug him Beter.”

LUKAS 24:35

Lene yo cin ipui sut mun di pek kep mem yok kak puig sinon kin notou ingat igbit Yesus tirigi Noni ki roti tut yok cem.

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

YOHANES 5:46

Gino jiba jingon com noni haigtu lene ma jiba jingon com Da cem lewo noni pas kep tut Da.

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KOLOSE 2:17

Mun dima yok hagom tereu nok mun di mipek kep ei nidipti bu ningwes di ingat ei kisinati he. Noro Kristus ne ningat-ngat ri!

IBRANI 10:1

Puig Yahudi niggai serti rinok ningwes di pimber di ndo tut mun di mungkun kei di mikwei yo. Noro nok ningwes di sieng-siau kei tut mun di kei di mikwei dima bi. Mbro nok gino ibui mindhe nya tut ninggrom bikwop ari bingwam kikau nok lo, bit bon niggai serti dima bindei ba, yo di ikuk yok bak Allah tug hon nisinati dima ingon kwes kan bi.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

NIJAM NIKEI NYA 5:28

Mpe dima lene Sisera nipmem cem kep kendera mihyeti ser nikwei hanyenti bikan ei ningonti “Nggon rino Sisera de kroba pran tau kwei bigyo i? Nggon rino nide kuda pran nimig buhun ba, simiap nibimbi bigyo i?”