DANIEL 5:2 - ALLAH NIHYET MEM TUNGWATU NYA

² Tirigi idut ba anggur ngei bingwig bigyo lene Belsyazar cuk nide awak nya leu binhyepo ikon mok kin bokor di iba mas kin perak bibon po nicig Nebukadnezar pos kwei leu tuhan De Ig ei minu ndig Yerusalem pima kwei. Nibou ndig ningon kanti rino yo di inyeng jei di igya kui noni kin nitnem ndig nya kin nitnem mien nya kin nonti yahagom idut ba anggur ngei eisi.

DANIEL 5:2 Iomraidhean Croise

SAMUEL GI NICAN 9:7

Lene Daud pai binoni “Attin tut au. Lewo midingondut na bidibiyok ngon kep acig di Yonatan. Miditug agnyon Saul de dihyei hanjop nsi hagom hanyen bina ba, disindui sut nani ayem njita bit da ei ig nibou ndig dini kikau cem.”

NIBOU NDIG NYA GI NICAN 24:13

Lene Nebukadnezar cat mun nyeng gi hi di Nibou Ndig Salomo ba mas bibon leu tuhan De Ig kin nibou ndig de ig ba, nggek tut hagom lene pwoi ndigban di nibok kui hagom bingkwei sut ug ei minu Babel. Gini hagom dem igbit tuhan nipaisi.

NIBOU NDIG NYA GI NICAN 25:15

Noni mbut tut mun di tukan nya iba mas kin perak bibon hagom ba, gima ne mok nya kin bokor mem gima iket hum mbom eisi ri.

NIBOHON MBEN ISRAEL GI NICAN 11:20

Ei nidipti bu ne Rehabeam wak Maakha di Absalom nipmisop leu api igyai ipmot bat nya ibou bitai ba, inyeng rino Abia kin Atai kin Ziza kin Selomit.

NIBOHON MBEN ISRAEL GI NICAN 15:16

Tut gima cem Nibou Ndig Asa bicut nidrot Maakha ninyeng leu gi gwam nok Nipmem Sop Nibou Ndig. Lewo noni bon cou dihim noyam kin kwar di kinei bibor ba, bikuk no bak kwar Sop Asyera di ipai bipia bindei nnum njita kioi nya. Asa bindei tti cou dihim dima lene bindei binnir wap leu api ndig hagom ei Mbang Briep Kidron.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

NIBOHON MBEN ISRAEL GI NICAN 36:18

Nibou ndig mem mben Babel dima pos tuhan De Ig nimbumbati kin ndigban di nibok kak nya kin nibou ndig de ndigban nya kin yo di igya kui nibou ndig nya ide ndigban ba, pian hagom buug sut ei minu Babel.

EZRA 5:14

Mpe dima lene noni ngkwei tuhan De Ig nimbumbati nya po jo ei ninsi nya di iba mas kin perak bibon di ibiyai midyai ei tuhan De Ig pima hagom hanyen. Lene ngkwei tuhan De Ig nimbumbati di Nebukadnezar cat leu minu ndig Yerusalem leu api bindei coi ei ig kwar ninsi nya ei minu Babel pima hanyen. Nibou Ndig Kores kes nimbumbati dima yok hagom bak Sesbazar po Kores kon nok nibou ei hanjop Yehuda pima.

YEREMIA 27:7

Ngkiai nya yahagom miyoom yonti binok awak mem noni kin nipmot kin nignyon kikau ug bipek mpe dino nide ninyeng tak kepti bicut kep. Leu api mben Babel miyoom yonti binok awak mem mben di isindem bibor nya kin nibou ndig di inyeng jei bibor nya.

YEREMIA 50:35

tuhan pai “Jibindei sar minu Babel bitut nide limwa nya kin yo di inyeng jei nya kin yo di ikan bipia ingon ki nya yahagom hak ug!

YEREMIA 52:19

Ipos mun di tukan nya iba mas kin perak bibon nok mok nya kin bokor mem gima iket hum mbom eisi nya kin bokor di itau mindhe ninggrom eisi nya kin tong di iket atriem leu nimbar hum dok eisi nya kin mini njeng nidihim kin bokor di indig biei nggrai di ui-gwang kei eisi nya kin bokor mem nibon midut nisiber ba anggur ngei eisi nya cem hagom bimbut tut ningwig a.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 5:11

Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.

DANIEL 5:13

Haninyai ibuwak Daniel kwei biya ei nibou ndig noho bei leu api nibou ndig hig ser noni “Nani ne Daniel leu mben Yahudi po dicig njei bikat na kwei leu atimieisi ei minu Yehuda pima rin e?

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.

DANIEL 5:3

Yo dima ikon mok kin bokor mas pima haninyai kwei leu api yahagom idut ba anggur ngei eisi.

DANIEL 5:30

Himmun dima cem nide siceu nya igyai nimai bak Belsyazar di nibou ndig minu Babel.

DANIEL 5:4

Yahagom inggei sut ide kwar di iba mas kin perak kin ngkimom-tembaga kin ngkimom nitu kin biei kin tig bibon.