DANIEL 4:3 - ALLAH NIHYET MEM TUNGWATU NYA

³ Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 4:3 Iomraidhean Croise

MAZMUR 104:24

tuhan e, aba angon di ki bipai tes mun nyeng mang bibor. Dihyeisi dini mpung tut Ade nipai testi nya.

MAZMUR 105:27

Iba nisindemti di igyai leu tuhan bibon mindur nya kin mimbrei cem ei minu Mesir.

MAZMUR 145:13

Ade ninyeng tak kep limwa nyati jo ninghig-niker. Ade nisindemti ug hon nohonti bi sren. tuhan ningon gom biyai igbit nipreu eisi nya hagom. Noni ba ningon di nggriu sut nye biyai Nide midyai nya hagom.

MAZMUR 66:7

Noni ba mimbri di kui ningkek bininyeng tak kep limwa nya bijo ninno bijo kikau. Noni mian huk ngkiai nya leu binhyepo yaham imbuk kep bisrep huk Noni bi.

MAZMUR 72:18

Jikwei ba, inggei sut tuhan di mben Israel ide Allah! Nongkom bibon mindur di bibon ninggap leusi.

MAZMUR 77:19

Kru cut ba, nugwei bong. Kigyei ninjeng srei ba, dihyeisi dini ugwa-kwei bidigit tut cem.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

MAZMUR 92:5

Lewo abon munti nya biyai dingon di nggei-hi-nggei. Diba dingon di llei bibor bipai doia drek dip Ade midyai di ayai nya.

YESAYA 25:1

tuhan e, Nani ne ditde Allah rin ba, dikon anyeng bidinggei sut anyeng cem. Lewo Ade midyai di ayai nya bindei ninggap leusi. Aba angon di gom bindei mbut angon kanti di atin ei habiei leu nimbie him kwei su ba, ug kikau.

YESAYA 28:29

Ningon ki tut niyaisi dima kwei leu tuhan Di Ninyeng Jei Bibor. tuhan ba nikan bidem nibon munti bitin ei ningon kanti mem mun di hagom bidem kei. Ba, ningat ntun him Nide ningon kanti di tin ei nya hagom.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

DANIEL 2:2

Gima rino noni sok nihyet bak yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom di igya kui noni ba, suar ikwei mbot kep mumpriem dima ningat bak. Tirigi yahagom idem yam bigya ei noho bei,

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 4:17

Nye di malaikati di niput-put nyen binitindei ser mun di micut igkep nye nikos tut bak no dima tu. Gima rino suar tungwatu dihyeisi dini hagom ikan tut bipia Allah Di Ninyeng Jei Bibor sindem tut nibou ndig nya bitut inyeng tak kepti nya hagom. Nongkom he rino ta nibou nya bit leu Nonti ningon kanti. Gino joi sut lene Noni ta no di bon ninyeng bi binok nibou ndig bu.’

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”