San Mateo 8:9 - Tũpa Ñehengagüer

⁹ Esepia, che niha serecua vahe avei no, areco avei sundao che voya. Ahe chupe, “Eso peve” ahese, cũritei oso; ambuae upe, “Erio ave” ahese, ou voi avei cheu; che remimboacua upe, “Ahe mbahe eyapo” ahese, che reroya avei —ehi.

Tüpä Ñe'ëngagwer

⁹ Esepia che ni'ä serekwa va'e aveino, areko avei sundao che povrɨve. A'e chupe eso peve a'ese, kurïtëi oso; ambuae upe erio ave, a'ese ou voi avei cheu; iyavei che rembigwai upe a'e mba'e eyapo a'ese, che reroya ite.

San Mateo 8:9 Iomraidhean Croise

San Mateo 8:10

“¡Too!” ehi Jesús aipo oyeupe hese. Ichui aipo ehi oyeupindar ava rehɨi upe: —Yepe ahe ndahei vahe judío viña, opacatu Israel recua pɨpendar rumo ndasepiai eté ava imbahe reroya vahe yuvɨreco yepi co ava nungar.

San Mateo 8:8

—Aní, che Yar, ndiyai eté che rẽta pɨpe nde reique ãgua; iyacatu niha cohapeve ereñeheño tẽi icuera ãgua. Evocoiyase nde ñehe pɨpe tẽi che remimboacua ocuerara.

San Marcos 1:27

Opacatu ava ombosɨquɨye, ichui oporandu-randu oyeupe yuvɨreco aipo ehi: —¿Mbahe pĩha co? ¡Iporombohesa ipɨasu vahe ité! ¡Co mbɨa vɨreco ité omborerecuasa! ¡Caruguar avei eté omboyeroya oyeupe iñehese! —ehi tẽi ava yuvɨreco.

San Lucas 4:39

Evocoiyase Jesús oyeaɨvɨ oso chupe sohɨ sui imbogüera ãgua. Ocuera pare voi ahe cuña oñarapuha; ohañeco ahe ava yuvɨrecoi vahe rese.

San Lucas 7:8

Esepia, che avei niha areco che cuaita. Iyavei areco sundao che voya. Eso peve, ahese ñepei upe, ahe evocoiyase oso voi eté; ambuae upe: Erio, ahese, ou voiño ité cheu. Ipare, Ereyapora co mbahe, ahese che rembiguai upe, ahe evocoiyase che reroyaño voi’ ehi ore mborɨpar” ehi Jesús upe yuvɨreco.

San Lucas 9:1

Jesús opa omonuha güemimbohe doce vahe oyeupe. Ipare omondo opĩratasa opacatu upe caruguar ambuae-ae tẽi vahe imboyepepɨ ãgua ava sui iyavei ava mbogüera ãgua imbaherasɨsa sui.

Colosenses 3:22

Pe avei no mbiguai: peroya tuprɨ avei pe rerecuar co ɨvɨ pɨpe yepi. Aní chira ahe pe repiaseño pembovɨhara. Iyacatu rumo pemboyeroyara pe pɨhañemoñeta tuprɨsa pɨpe, Tũpa sui pe sɨquɨyesa pɨpe avei.

Tito 2:9

Emboaracua avei mbiguai yuvɨrecoi vahe: tovɨroya opacatu mbahe rese güerecuar, tomboyeroya imboeteisave, toiñehepoepɨ eme avei yuvɨreco.