San Mateo 8:6 - Tũpa Ñehengagüer

⁶ aipo ehi: —Che Yar, che remimboacua imbaheasɨ guasu vupave ou. Ndoguata catui, oiporara tẽi ombaherasɨsa ou —ehi.

Tüpä Ñe'ëngagwer

⁶ Aipo e'i chupe:–Che Yar, che rembigwai imba'easɨ gwasu ou che rëtäve, ndogwata katui, iyavei oiporara tëi omba'erasɨsa ou.

San Mateo 8:6 Iomraidhean Croise

San Mateo 4:24

Oyepotase rumo serãcua opacatu Siria ɨvɨ rupindar upe, ahese güeru opacatu iparaɨsu vahe yuvɨreco chupe: imbaheasɨ vahe, caruguar vɨreco vahe, que nañaca põrai vahe iyavei ndoguatai vahe. Ahe opa tuprɨ ombogüera.

San Mateo 8:7

—Avɨye, cũritei evocoiyase asora imbogüera —ehi.

San Mateo 9:2

Aheve, ava ndoguatai vahe omboyovai seraso imbaheasɨ vahe rɨru pɨpe yuvɨreco chupe. Ahe oicuase co ava yuvɨrecoi vahe oyese yeroya, aipo ehi imbaheasɨ vahe upe: —Che rahɨr, eyemopoase, che ñero nde angaipa rese ndeu —ehi.

Los Hechos 10:7

Osose Tũpa rembiguai ichui, Cornelio oñehe ñuvɨrío güembiguai upe iyavei ñepei sundao Tũpa mboeteisar upe, sese acoi oyeroya vahe yepi.

Los Hechos 8:7

Iyavei setá ava caruguar rerecosar sui omose caruguar. Osẽse ava sui, sãse yuvɨreco. Iyavei setá ava nomɨi vahe, ndoguatai vahe avei ombogüera.

Los Hechos 9:33

Aheve osepia mbɨa Eneas serer vahe, ahe ndoguatai vahe. Vupave tẽi tui vahe ocho aravɨter rupi.

Colosenses 3:11

Ndahe iri ɨvate yandeu “che griego aico” ehi vahe; que “che judío aico” ehi vahe. Iyavei “imbocircuncidaprɨ aico”, “nimbocircuncidaprɨi aico” ehi vahe avei. Iyavei que “ahe ambuae tecua pendar secoi”, “ahe chori”, “ahe ava rembiguai tẽi secoi” ehi vahe. Aníse que “che ndahei ava rembiguai aico” ehi vahe. Co rumo ɨvate vahe yandeu: Cristo ɨvate catu vahe opacatu sui. Iyavei oyoya guasu opacatu yande pɨha pɨpe yareco.

Colosenses 4:1

Pe avei serecuar: peyapo mbahe ihɨ̃vi vahe pe pɨhañemoñeta tuprɨsa pɨpe pe rembiguai upe. Peyemomahenduha co rese: pe avei pereco pe rerecuar ɨvave.

1 Timoteo 6:2

Acoi co mbiguai vɨrecose güerecuar Tũpa vɨroya vahe yuvɨreco, ahese ndovɨrecoi chira imboyeroyaẽhɨsa Jesús reroyasar recosa rese. Iyacatu rumo omboyeroya tuprɨ catura güerecuar yuvɨreco. Esepia, serecuar oipɨsɨ vahe iporavɨquɨsa, ahe Jesús reroyasar saɨsuprɨ yuvɨrecoi yepi. Eporombohe, emombehu co mbahe:

Filemón 1:16

Ndahe iri chira mbiguai tẽi. Ahe rumo avɨye catu itera mbiguai güeco agüer sui. Esepia, yande rɨvrɨ niha yande rembiaɨsu secoi cũritei. Che asaɨsu eteprɨ iyavei nde eresaɨsu catu irira che sui. Ndererecoi chira ava nungar tẽi; erereco tuprɨra saɨsusa pɨpe yande rɨvrɨ nungar tuprɨ ité yande Yar upe nara.