San Mateo 8:16 - Tũpa Ñehengagüer

¹⁶ Ipare pɨ̃tu ramose setá caruguar vɨreco vahe ogüeru yuvɨreco chupe. Jesús rumo ñepei reseve oñehe pɨpe tẽi omombopa caruguar ava rehɨi sui, iyavei opacatu imbaheasɨ vahe ombogüera avei no.

Tüpä Ñe'ëngagwer

¹⁶ Ipare pɨ̇tü ramose Jesús upe seta karugwar vɨreko va'e vɨraso yuvɨreko; iyavei ñepëi reseve oñe'ë pɨpe tëi omombopa karugwar re'ɨi, iyavei opakatu imba'easɨ va'e ombogwera.

San Mateo 8:16 Iomraidhean Croise

San Mateo 12:22

Ichui ava ndasesapɨsoi vahe, noñehei vahe caruguar rerecosar vɨraso Jesús upe yuvɨreco. Evocoiyase Jesús ombogüera. Ahese osareco, oñehe avei.

San Mateo 14:14

Evocoiyase osẽse carite pɨpe sui, osepia ava rehɨi. Ahese oiparaɨsuereco ava eta. Sese opa ombogüera imbaheasɨ vahe serasoprɨ.

San Mateo 8:15

Opocose ipo rese, ahe ramoseve sohɨ opɨtuhu ichui. Ocuerare, oñarapuha ava rese ohañeco ãgua.

San Mateo 8:33

Yuvɨnoña evocoiyase cuchi rãrosar tecuave yuvɨraso opacatu mbahe güembiepia mombehu ava upe yuvɨreco.

San Mateo 9:2

Aheve, ava ndoguatai vahe omboyovai seraso imbaheasɨ vahe rɨru pɨpe yuvɨreco chupe. Ahe oicuase co ava yuvɨrecoi vahe oyese yeroya, aipo ehi imbaheasɨ vahe upe: —Che rahɨr, eyemopoase, che ñero nde angaipa rese ndeu —ehi.

San Marcos 2:3

Aheseve irungatu mbɨa vɨroyepota ndoguatai vahe yuvɨreco chupe.

San Marcos 5:8

Aipo ehi, esepia, yɨpɨndar Jesús aipo ehi chupe: —¡Caruguar mbahe tẽi vahe, esẽ co mbɨa sui! —ehi chupe.

San Marcos 9:25

Osepiase Jesús ava rehɨi, oyemboyase sese, oñehe pĩrata caruguar upe aipo ehi: —Caruguar noñehei vahe, ndayapɨsai vahe, che orocuai, epoi co chĩhivahe sui, ereique iri eme secocuer rese —ehi.

San Lucas 13:12

Osepiase rumo Jesús, “Erio” ehi chupe. —Cuña, cũritei nanembaheasɨ iri eico cute —ehi.

San Lucas 4:40

Arɨ so ramomise opacatu ava imbaherasɨsa ambuae tẽi vahe güeru Jesús upe yuvɨreco. Ahe evocoiyase opo omondo iyacatu iharɨve ñepei-pei imbogüera.

San Lucas 4:41

Iyavei setá ava sui opa omose caruguar. Evocoiyase caruguar osapucai tẽi aipo ehi yuvɨreco: —¡Nde acoi Tũpa Rahɨr ité ereico! —ehi. Ahe rumo oñehe pĩrata caruguar upe, nomoñehe iri. Esepia niha, caruguar oicua ité ahe Tũpa Rembiporavo seco rese yuvɨreco.

Los Hechos 5:15

Iyavei ava rehɨi vɨnose yuvɨreco imbaheasɨ vahe supa reseve-seve Pedro renonera, “Oñocuase Pedro, avɨyeteramo omohara ihãgüer. Ahese revo ombogüerara” ehi yuvɨreco oyeupe.