San Mateo 4:7 - Tũpa Ñehengagüer

⁷ Evocoiyase omboyevɨ Caruguar upe: —Icuachiaprɨ pɨpe rumo aipo ehi avei no: ‘Nderesecoãhai chira nde Yar Tũpa’ ehi —ehi chupe.

Tüpä Ñe'ëngagwer

⁷ Jesús omboyevɨ chupe:–Iyavei Ikwachiaprɨ pɨpe aipo e'i: ‘Nderesekoa'äi chira nde Yar Tüpä.’

San Mateo 4:7 Iomraidhean Croise

San Mateo 21:16

aipo ehi chupe: —¡Eresendu vo aipo ehi tẽi vahe chĩhivahe yuvɨreco! —ehi. —Taa, asendu ité —ehi—. Pe no, ¿ndapeyeroquɨi vo sesendar ñehesa icuachiaprɨ pɨpe: ‘Chĩhivahemi, pĩtanimi avei osapucaira nde mboeteisa pɨpe yuvɨreco’ ehi vahe? —ehi.

San Mateo 21:42

Aipo ihe pare, aipo ehi oñehe rendusar upe: —¿Ndapeyeroquɨi vo co aipo ehi vahe icuachiaprɨ pɨpe? ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua. Ẽgüe ehi niha Yar yapo yande mohapɨsɨ ai eté’ ehi icuachiaprɨ pɨpe.

San Mateo 4:10

Aipo oyeupe hese: —Eyepepɨ che sui cũritei, Caruguar —ehi—. Esepia, icuachiaprɨ: ‘Emboetei nde Yar Tũpa, ahe güeraño tuprɨ avei eremboyeroyara’ ehi —ehi Caruguar upe.

San Mateo 4:4

Jesús rumo omboyevɨ chupe: —Icuachiaprɨ pɨpe rumo aipo ehi: ‘Ndahei chira pan sui güeraño ava yuvɨrecove. Ẽgüe ehi rumo opacatu Tũpa Ñehengagüer reroya pɨpe ava yuvɨrecovera yepi’ ehi —ehiño chupe.

San Lucas 4:12

Evocoiyase omboyevɨ Caruguar upe: —¡Aní! Icuachiaprɨ pɨpe niha aipo ehi avei: ‘Nderesecoãhai chira nde Yar Tũpa’ ehi —ehi chupe.

Los Hechos 15:10

¡Pe tie pesecoãha pota Tũpa! ¡Mahera peyocuai uca pota co Jesús reroyasar mbahe yavai rai vahe apo ãgua! Aní rumo. Esepia, yande ramoi ndoicatui Tũpa porocuaita mboavɨye ãgua yuvɨreco, yande avei ẽgüe yahe —ehi—.

Los Hechos 5:9

Evocoiyase aipo ehi ahe cuña upe: —¡Mahera peyemboyoya pe pɨhañemoñetasa rese pe secoãha ãgua yande Yar Espíritu! Coi yugüeru nde mer tɨ̃sarer. Nde avei nde reraso ãgua yuvɨreco eipeve —ehi chupe.

1 Corintios 10:9

Ndayasecoãha-ãha tẽi chiaveira yande Yar, inungar ahe yuvɨreco. Ipɨpe sui oyeyucapa uca mboi osuhusa pɨpe yuvɨreco.

Hebreos 3:9

Aheve avei acoi che recoãha tẽi pe ramoi mbahe güembiapo pɨpe, yepe cuarenta aravɨter rupi osepia tẽi mbahe che rembiapo yuvɨreco viña.