San Mateo 26:53 - Tũpa Ñehengagüer

⁵³ ¿Ndereicuai vo aporanduse che Ru uve viña, ahe evocoiyase cũritei voi omboura doce mil sui setá catu vahe güembiguai che repɨ ãgua viña?

Tüpä Ñe'ëngagwer

⁵³ ¿Ndereikwai vo che aporanduse che Ru upe che pɨtɨ̇vɨï agwä rese viña, a'e kurïtëi omboura doce mil sui seta katu va'e gwembigwai che repɨ agwä viña?

San Mateo 26:53 Iomraidhean Croise

San Mateo 4:11

Ahese Caruguar oyepepɨ ichui. Ipare Tũpa rembiguai yuvɨrogüeyɨ Jesús rese hañeco ãgua yuvɨreco.

San Lucas 8:30

—¿Mara vo nde rer? —ehi chupe. —Che rer Legión —ehi. Aipo ehi, esepia niha, setá eteprɨ caruguar yuvɨroique yavɨterve.

San Judas 1:14

Iyavei Enoc, Adán raquɨcuerindar imboseisa rupi oyesu vahe, ahe oñehe evocoi nungar ava naporai vahe recocuer resendar rese aracahe aipo ehi: “Co che asepia che queraisa nungar pɨpe yande Yar turi ɨva pendar rehɨi reseve

2 Tesalonicenses 1:7

Pe rumo imombaraɨsuprɨ peico vahe, Tũpa omondora pe pɨtuhu ãgua, ore pɨtuhu ãgua avei, acoi yande Yar Jesús oyevɨse tata rendɨgüer pãhuve ɨva sui opacatu güembiguai seco pĩrata catu vahe reseve.

San Mateo 25:31

“Che, Ava Rɨquehɨr, ayevɨse, opacatu che Ru rembiguai ɨva pendar reseve che reco ɨvategüer pɨpe, ahese aguapɨra che renda porañete vahesave ava recocuer rese porandu ãgua.

San Marcos 5:9

Aheve oporandu chupe: —¿Mara vo nde rer? —ehi. Ahe omboyevɨ chupe: —Che rer Legión. Esepia, ore rehɨi eté —ehi.

San Marcos 5:15

Oyepotase Jesús recosave, aheve osepia mbɨa caruguar vɨreco vahecuer yuvɨreco oyemonde tuprɨse oĩ, yaracua tuprɨse avei. Ahese oyembosɨquɨye tẽi yuvɨreco.

San Juan 10:18

Ndoicatui chira ava ahe ae tẽi che yuca ãgua; che teieté rumo amondora che récocuer che remimbotar rupi eté. Che areco ité pĩratasa imondo ãgua, che cuerayevɨ iri ãgua avei. Sese ité niha che Ru che cuai” ehi güemimbohe eta upe.

San Juan 18:36

—Che mborerecuasa rumo ndahei co ɨvɨ pɨpendar. Co ɨvɨ pɨpendarse viña, che rupindareta ovavara che amotarẽhɨmbar upe che repɨsave yuvɨreco viña. Che mborerecuasa rumo ndahei eté coha pendar —ehi.