San Mateo 24:7 - Tũpa Ñehengagüer

⁷ Esepia, ñepei ɨvɨ pɨpendar ovavara ambuae ɨvɨ pɨpendar rese oyeupe yuvɨreco. Ahese oimera tɨavor, ɨvɨ rɨrɨi opacatu-catu tẽi tecua rupi.

Tüpä Ñe'ëngagwer

⁷ Esepia ñepëi ɨvɨ pɨpendar ovavara ambuae ɨvɨ pendar rese iyavei ñepëi tekwa gwasu ovavara ambuae ɨvɨ pendar rese; iyavei oimerä tɨavor ɨvɨ rɨrɨi opakatu-katu tëi tekwa rupi.

San Mateo 24:7 Iomraidhean Croise

San Lucas 21:11

Ahese avei oimera ɨvɨ rɨrɨi tuvichá vahe, tɨavor, mbaherasɨsa opacatu-catu tẽi tecua rupi. Iyavei pesepiara ɨva rese mbahe pe mbosɨquɨye vahe, poromondɨisa tuvichá vahe avei curi.

Los Hechos 11:28

Ñepei ipãhu pendar, Agabo serer vahe, opũha aipo ehi Espíritu Santo pĩratasa pɨpe chupe: “Oura tɨavor guasu opacatu ɨvɨ rupi” ehi, (ahe tɨavor oyepota mborerecuar guasu Claudio recose).

Los Hechos 2:19

Amboyecuara poromondɨisa ɨva rese. Ẽgüe ahe aveira poromondɨisa mboyecua ɨvɨ pɨpe: tuvɨ, tata iyavei tãtachi.

Hebreos 12:27

‘Amborɨrɨ irira’ aipo oyapave aipo ehi: “Opara mbahe omɨi vahe omocañɨ güembiapo Tũpa ‘topɨta apɨrẽhɨ mbahe nomɨi vahe’ oyapave” ehi.

Apocalipsis 6:12

Ipare Ovesami omondorose imoñepei ovasa sello, ahese oime ɨvɨ rɨrɨi ipĩratá vahe. Arɨ evocoiyase sũ, avɨye acoi turucuar sũ vahe mano sendar yemondesa iyavei yasɨ pĩrá inungar tuvɨ,

Apocalipsis 6:5

Omondorose acoi Ovesami imombosapɨsa sello, ahese asendu imombosapɨsa yuvɨrecove vahe pãhu pendar ñehe, “¡Erio!” ehi vahe cheu. Amahe sese, ipare asepia cavayu sũ vahe, ahe ava iharɨ pendar vɨreco opo pɨpe mbahe rãhasa.

Apocalipsis 6:6

Ipare asendu yuvɨrecove vahe cotɨndar ñehe, ahe aipo ehi: ‘Nẽpei kilo trigo serocuasa guarepochi ñepei arɨ resendar mboravɨquɨ reprɨ pɨpe, mbosapɨ kilo cebada evocoiyase serocuasa avei ñepei arɨ resendar mboravɨquɨ reprɨ pɨpe no. Pemocañɨ eme mbahe quɨra iyavei uva rɨcuer avei no” ehi.

Apocalipsis 6:8

Amahe, ipare asepia cavayu iyu rasɨ vahe, ahe ava iharɨ pendar serer Tehõgüer. Ipare saquɨcuei ou vahe oico ahe serer Omano-vahe-recosa. Ahe chupe yuvɨreco imondosa teco pĩratasa ɨvɨ imoirungatusa yahocuer rupi iguata ãgua ava yuca ãgua vavasa pɨpe, tɨeporẽhɨ pɨpe, mbaherasɨ pɨpe, mbahe ɨpɨ pɨpe avei no.