San Mateo 24:3 - Tũpa Ñehengagüer

³ Ipare Jesús oso ɨvɨtrɨ Olivo ve oguapɨ oĩ. Aheve ore güeraño tuprɨ oroso chupe mbahe rese ore porandu ãgua: —Emombehu catu oreu: ¿Mbahese vo aipo mbahe yavɨyera? ¿Mbahe poromondɨisa rese rane vo icuasara nde yu ãgua iyavei arɨ cañɨ ãgua? —orohe chupe.

Tüpä Ñe'ëngagwer

³ Ipare yuvɨraso ka'a Olivos ve. A'eve Jesús ogwapɨ öi, ichui semimbo'e eta oyemboya oporandu agwä mba'e rese kokotɨ yuvɨreko chupe:–Oroipota eremombe'u oreu mba'ese vo oimerä aipo nungar. ¿Mba'e poromondɨisa rese rane vo ikwasara nde yu agwä iyavei arɨ kañɨ agwä kuri?

San Mateo 24:3 Iomraidhean Croise

San Mateo 13:36

Ahese Jesús, “Avɨye” ehi ava upe. Ipare oique oɨ pɨpe. Aheve semimbohe oyemboyapa yuvɨreco sese ‘tomombehu trigo pãhuve caha oime vahe resendar yandeu’ oya.

San Mateo 13:49

Ẽgüe ehi aveira arɨ cañɨ pɨpe: ahese Tũpa rembiguai ɨva pendar yuvɨnosera opacatu ava ndaseco põrai vahe mboyepepɨ ãgua ava seco catuprɨ vahe sui.

San Mateo 15:12

Evocoiyase semimbohe oyemboya sese, oporandu yuvɨreco chupe: —¿Ereicua vo acoi fariseo oñemoɨro nde ñehe renduse yuvɨreco? —ehi.

San Mateo 16:27

Esepia che, Ava Rɨquehɨr, ayevɨra che Ru reco pĩratasa pɨpe che rembiguai ɨva pendar reseve curi. Che evocoiyase aicuara ñepei-pei ava rembiapo agüer rupi chupe.

San Mateo 16:28

Supi eté oimera amove cohave ava nomano vɨtei chivaherã, ahe che, Ava Rɨquehɨr, che repia rane itera che yevɨse che mborerecuasa pɨpe yuvɨreco curi —ehi güemimbohe upe.

San Mateo 17:19

Ipare semimbohe oporandu co cotɨmi yuvɨreco chupe: —¿Mahera pĩha ndoromose catui eté caruguar ichui? —ehi yuvɨreco.

San Mateo 21:1

Acoi orovɨrovɨse Jerusalén, oroyepota tecuami Betfagé popɨve, ɨvɨtrɨ Olivo serer vahe ɨ̃pɨimi. Aheve omondo ñuvɨrío güemimbohe

San Mateo 24:27

Che rumo inungar overa vahe sendɨ añihivei sui caharu cotɨ ocua ɨva rese, ẽgüe ahera che, Ava Rɨquehɨr, opacatu ava rembiepiave ayevɨ irise vitu curi.

San Mateo 24:30

Ahese oimera ɨva rese iporẽhɨ vahe che, Ava Rɨquehɨr, yu ãgua resendar. Evocoiyase opacatu ava-ava tẽi co ɨvɨ pɨpendar oyaseho tẽira osɨquɨyepave yuvɨreco. Che repia aveira yuvɨreco agüeyɨse ɨva quɨha rese che pĩratasa rendɨgüer porañetesa pɨpe.

San Mateo 24:37

“Inungar ava Noé recose yuvɨrecoi aracahe, ẽgüe ehi tuprɨ aveira che, Ava Rɨquehɨr, yevɨ ãgua renonde.

San Mateo 24:39

Nomohai eté rumo amarusu vɨapi ãgua yuvɨreco oyeupe viña, ẽgüe ehi rumo avɨyeteramo tẽi amar ovɨapi imocañɨpa. Ẽgüe ahe aveira che, Ava Rɨquehɨr, ayevɨ avɨyeteramo tẽi.

San Mateo 24:43

Iyavei peyapɨsaca tuprɨ co rese: inungar acoi oɨ yar oicuase revo que hora pɨ̃tu pɨpe imonda vahe yepota ãgua, ahese imahemohara sese güẽta pɨpe seiqueẽhɨ ãgua viña.

San Mateo 28:20

Iyavei pembohe che opacatu pe mbohe agüer reroya ãgua rese —ehi—. Peicuañora che aicovera pe reseve arɨ yacatu rupi yepi, acoi arɨ ipa vahe rupi —ehi Jesús oreu. Avɨye, aipo rupive.

San Lucas 21:7

Evocoiyase semimbohe eta oporandu yuvɨreco chupe: —Ore mbohesar, ¿mbahese vo aipo mbahe yavɨyera? ¿Mbahe poromondɨisa rese rane vo icuasara curi? —ehi yuvɨreco.

Los Hechos 1:7

Ahe rumo aipo ehi chupe: —Ndiyai ahe arɨ cua ãgua pẽu. Esepia, Tũpa año ité vɨreco omborerecuasa ahe mbahe apo ãgua.

Hebreos 9:26

Ẽgüe ehise rumo, yɨpɨsuive omano pɨhira viña. Cũritei rumo oyemboyecua co ipa arɨ rupi ñepei reseve, apɨrẽhɨ vaherã vɨropovẽhe ãgua güete Tũpa upe ‘tocañɨpa angaipa’ oya.