San Mateo 23:8 - Tũpa Ñehengagüer

⁸ “Pe rumo, ‘Porombohesar’ ndapembohe ucai chira ava peyeupe. Esepia, pe opacatu guasu peyeɨvrɨ peico, iyavei ñepeiño ité pereco pe Mbohesar.

Tüpä Ñe'ëngagwer

⁸ “Pe rumo porombo'esar ndapembo'e ukai chira ava peyeupe, esepia pe opakatu gwasu peyeɨvrɨ peiko iyavei ñepëiño ite pereko pe Mbo'esar.

San Mateo 23:8 Iomraidhean Croise

San Mateo 10:25

Iyavei semimbohe, ‘Avɨye ité’ ehiñora ombohesar osecoupitɨse. Ẽgüe ehi aveira mbiguai güerecuar upe. Acoi oɨ yar upe: ‘Caruguar rerecuar Beelzebú’ ehise, aipo ehi aveira niha oɨ pɨpendar upe yuvɨreco no” ehi.

San Mateo 17:5

Avɨyeteramo tẽi ɨva quɨha rese osesapé ogüeyɨ ou oyopɨpa tuprɨ ité. Ipãhuve oyeendu ñehesa aipo ehi: “Co che Rahɨr, che rembiaɨsu. Che mbovɨharete; peyapɨsaca catu iñehe rese” ehi vahe.

San Mateo 23:10

Ndiyai avei, ‘Mborerecuar’ pembohe uca ava peyeupe. Esepia, Poropɨ̃sɨrosar güeraño ité pe rerecuar secoi.

San Mateo 23:7

Oipota avei ava oyeupe ‘avɨrave’ apo ãgua omboeteisave ocar rupi iyavei oipota, ‘Porombohesar’ oyeupe he yuvɨreco.

San Mateo 26:25

Ahese Judas imondosavɨ oporandu: —Ore Mbohesar, ¿che tie? —ehi. —Taa, ¡nde ité niha ẽgüe erera! —ehi chupe.

San Mateo 26:49

Ipare oyemboya voi oso sese. —¡Avɨrave, Porombohesar! —ehi sovaupɨte.

San Marcos 10:51

Evocoiyase oporandu ndasesapɨsoi vahe upe: —¿Mbahe vo ereipota ayapo vaherã ndeu? —ehi. Ahe evocoiyase, —Porombohesar, che mbosarecomi tẽira eve viña —ehi.

San Marcos 11:21

Evocoiyase Pedro oyemomahenduha voi iñehe agüer rese, sese aipo ehi Jesús upe: —Ore mbohesar, esepia co ɨvɨra higuera upe ereñehe rai vahecuer, opa ité ipiru —ehi.

San Marcos 14:45

Oyepotase Jesús upe, oyemboya voi oso sese aipo ehi chupe: —¡Porombohesar! —ehi sovaupɨte.

San Marcos 9:5

Ipare Pedro aipo ehi chupe: —Ore mbohesar, ¡avɨye ai eté cohave yaico! Toroyapo mbosapɨ teyupami: ñepei ndeu nara, ambuae Moisés upe, ambuae evocoiyase Elías upe nara —ehi.

San Lucas 22:32

Che rumo ayeroquɨ nde rese nde yeroyasa paneẽhɨ ãgua. Ereyevɨse cheu, emonguerẽhɨ catu ambuae nde rɨvɨreta imovɨracua uca ãgua yuvɨreco oyese —ehi Pedro upe.

San Juan 1:38

Evocoiyase omahe guaquɨcuei cotɨ. Ore repiase, oporandu oreu: —¿Mbahe vo pesecami peico? —ehi oreu. Ore evocoiyase, —Porombohesar, ¿que vo nde recosa? —orohe chupe.

San Juan 1:49

—Porombohesar, ¡nde niha Tũpa Rahɨr ereico, Israel ɨguar rerecuar guasu! —ehi Natanael chupe.

San Juan 11:8

Ore rumo aipo orohe chupe: —Ore mbohesar, cuesemi tẽi acoi judío rerecuareta ahe pendar nde yuca pota ita pɨpe yuvɨreco; ¿cũritei co ereso pota iri aheve? —orohe chupe.

San Juan 20:16

Evocoiyase, —¡María! —ehi chupe. Ahe aipo hese, oyemboyere, aipo ehi hebreo ñehe pɨpe chupe: —¡Rabuni! —ehi (‘Porombohesar’ ohesave).

San Juan 3:2

Ahe oso Jesús pɨri pɨ̃tu pɨpe, aipo ehi chupe: —Porombohesar, oroicua ité Tũpa nde mbouse ore mbohe ãgua —ehi—. Esepia, ndipoi eté que ava oicatu vahe evocoi nungar poromondɨisa apo Tũpa oyese secoẽhɨse —ehi.

San Juan 3:26

Sese yuvɨraso Juan uve aipo ehi: —Ore mbohesar, acoi secoi vahe nde rese ɨai Jordán rovai, sese acoi ereñehe oreu, cũritei ahe oporoãpiramoño tẽi iyavei opacatu yuvɨraso supi —ehi semimbohe yuvɨreco chupe.

San Juan 4:31

Ava yepotaẽhɨ vɨteseve, semimbohe eta, —Ore mbohesar, ecarumi —ehi tẽi yuvɨreco chupe.

San Juan 6:25

Oyepotase ava rehɨi ɨpa rovai, aheve osepia Jesús yuvɨreco. —Ore mbohesar, ¿marase vo ereyepota cohave? —ehi yuvɨreco chupe.

San Juan 9:2

Ore semimbohe oroico vahe, oroporandu chupe: —Ore mbohesar, ¿mahera pĩha co mbɨa ndasesapɨsoi eté oha? ¿Oyesupa angaipa sui pĩha? ¿Oangaipa sui ae tie? —orohe chupe.

2 Corintios 1:24

Ndahei opocuai pota mbahe pe rembieroyarã rese. Esepia, pe Tũpa rese pe yeroyasa pɨpe peyemovɨracuaño ité Cristo rese. Ore rumo oroipota pe pɨ̃tɨvɨisa pe yembovɨha ãgua.

2 Corintios 4:5

Esepia, oromombehuse ñehesa pẽu, ndahei oreyese tẽi. Ore rumo, “Jesucristo yande Yar secoi” orohe oroico. Ore evocoiyase mbiguai nungar tẽi oroico pẽu Jesús raɨsupave.

Efesios 3:15

Ichui serer pãve vɨreco yuvɨreco, opacatu seroyasareta ɨva pendar, ɨvɨ pendar avei ñepei oñemu yuvɨrecoi vahe nungar.

Filemón 1:16

Ndahe iri chira mbiguai tẽi. Ahe rumo avɨye catu itera mbiguai güeco agüer sui. Esepia, yande rɨvrɨ niha yande rembiaɨsu secoi cũritei. Che asaɨsu eteprɨ iyavei nde eresaɨsu catu irira che sui. Ndererecoi chira ava nungar tẽi; erereco tuprɨra saɨsusa pɨpe yande rɨvrɨ nungar tuprɨ ité yande Yar upe nara.

Santiago 3:1

Che rɨvɨreta, yɨpɨndar ndapeyeapoi chira setá eteprɨ oporombohe vahe peyepãhuve. Esepia, peicua niha yande oporombohe vahe yaicose, Tũpa oporandu catu itera ambuae ava sui yande porombohe agüer rese yandeu curi.

1 San Pedro 5:3

Ndapeicoi chira pe remiaro upe inungar que mborerecuar güeco ɨvatesa pɨpe oporocuai pĩrata vahe. Pemboyecuara rumo pe recocuer avɨye vahe chupe imbohesa tuprɨ pɨpe.

Apocalipsis 1:9

Che, Juan, pe rɨquehɨr aico, iyavei che pe nungar Tũpa povrɨ pendar aico, cheparaɨsu avei vichico Jesucristo rese che recosave che ñemosasa pɨpe. Che roquendasa vichico caha pãhumi para guasu avɨterve Patmos serer vahesave Tũpa Ñehengagüer mombehusa pɨpe sui tẽi, Jesucristo recocuer mombehusa pɨpe sui tẽi avei no.

Apocalipsis 19:10

Ipare añenopɨha Tũpa rembiguai rovai imboetei ãgua. Ahe rumo aipo ehiño cheu: “Ẽgüe erei rene. Esepia, che Tũpa rembiguai tẽi aico nde nungar iyavei nde rɨvɨreta nungar oguata vahe Jesús ñehengagüer rupi. Emboetei Tũpa” ehi. Esepia niha, evocoi Jesús recocuer mombehusar moñehe ucasar, ahe niha acoi omombehu uca vahe Tũpa ñehe mombehusar upe.

Apocalipsis 22:9

Ahe rumo aipo ehiño cheu: “Aní ereñenopɨha che rovai. Esepia niha, che Tũpa rembiguai tẽi aico, nde nungar, nde rɨvɨreta nungar avei evocoi oñehe vahe Tũpa Ñehengagüer rese yuvɨreco, iyavei inungar opacatu vɨroya vahe co cuachiar pɨpendar icuachiaprɨ yuvɨreco no. Tũpa catu pemboetei” ehi.