San Mateo 21:11 - Tũpa Ñehengagüer

¹¹ Ava rehɨi oguata vahe Jesús rupi aipo ehi yuvɨreco chupe: —Co niha Jesús, Tũpa ñehe mombehusar, ɨvɨ Galilea rupindar, Nazaret pendar —ehi yuvɨreco chupe.

Tüpä Ñe'ëngagwer

¹¹ Ava yugweru va'e Jesús rupi omboyevɨ yuvɨreko chupe:–Tüpä ñe'ë mombe'usar Jesús, Nazaret pendar ɨvɨ Galilea rupindar.

San Mateo 21:11 Iomraidhean Croise

San Mateo 21:10

Oiquese Jerusalén pɨpe, opacatu co tecua pɨpendar oyepɨhamondɨi yuvɨreco. Iyavei setá oporandu-randu yuvɨreco: —¿Ava pĩha co mbɨa? —ehi tẽi yuvɨreco.

San Mateo 21:26

Anise, ‘Ava tẽi remimbou’ yahese rumo, avɨyeteramo opacatu ava yande amotarẽhɨra yuvɨreco. Esepia, opacatu: ‘Juan omombehu vahe ñehesa Tũpa suindar’ ehi eté yuvɨreco chupe” ehi.

San Mateo 21:46

Aheseve oipɨsɨ pota voi yuvɨreco viña. Osɨquɨyeño rumo ava rehɨi sui yuvɨreco. Esepia, opacatu ava ipɨhañemoñeta: “Co ité Tũpa pĩratasa pɨpe oñehe” ehi yuvɨreco chupe.

San Marcos 6:15

Ambuae rumo, —Tũpa ñehe mombehusar Elías mo evocoi —ehi yuvɨreco. Ambuae evocoiyase, —Tũpa ñehe mombehusar aracahendar mo evocoi —ehi yuvɨreco.

San Lucas 13:33

Che rumo aporavɨquɨño itera co pɨpe, ayihive iyavei curi ayihive vichico. Ipare asora Jerusalén ve. Esepia niha, ndiyai Tũpa ñehe mombehusar omano co cotɨ tẽi Jerusalén sui yuvɨreco —ehi.

San Lucas 24:19

Evocoiyase, —¿Mbahe vo oime yandeu? —ehi. —Jesús mo Nazaret pendar, ahe Tũpa ñehe mombehusar seco pĩrata vahe opacatu mbahe apo ãgua, mbahe mombehu ãgua avei Tũpa rovaque iyavei opacatu ava rovaque.

San Lucas 7:16

Opacatu tuprɨ ité ava oyembosɨquɨye sepiase yuvɨreco: —Cũritei oyemboyecua Tũpa ñehe mombehusar seco ɨvate vahe yande pãhuve cute —ehi yuvɨreco. Iyavei, —Tũpa niha ou güecua pɨ̃tɨvɨi ãgua oico —ehi avei yuvɨreco.

San Lucas 7:39

Sepiase fariseo, ipɨhañemoñeta tẽi: “Co mbɨa Tũpa ñehe mombehusar itese, oicuaño itera co cuña opoco vahe oyese ndipɨhai vahe viña” ehi tẽi fariseo chupe.

San Juan 1:21

Evocoiyase oporandu iri yuvɨreco: —¿Ava ité vo nde? ¿Nde tie Elías ereico? —ehi. —Ndahei eté che ahe aico —ehi. Evocoiyase, —¿Nde tie acoi Tũpa ñehe mombehusar ou vaherã? —ehi yuvɨreco chupe. —Aní eté —ehi.

San Juan 1:25

oporandu yuvɨreco chupe: —Evocoiyase ndahei niha aipo nde Poropɨ̃sɨrosar, ndahei avei Elías, ndahei eté Tũpa ñehe mombehusar imombehuprɨ ereico. ¿Mahera ru evocoiyase ereporoãpiramo? —ehi yuvɨreco chupe.

San Juan 4:19

—Nde ava avɨye moco Tũpa ñehe mombehusar ereico cheu —ehi—.

San Juan 6:14

Evocoiyase ava eta co poromondɨisa guasu Jesús rembiapo repiase, aipo ehi yuvɨreco: —Supi eté co uve revo acoi: “Oura Tũpa ñehe mombehusar ɨvɨ pɨpe” ehi icuachiaprɨ aracahendar pɨpe —ehi yuvɨreco.

San Juan 7:40

Osenduse ava rehɨi aipo nungar, amove aipo ehi: —Supi eté co mbɨa Tũpa ñehe mombehusar imombehuprɨ ou vahe —ehi yuvɨreco chupe.

San Juan 9:17

Sese oporandu iri ndasesapɨsoi vahecuer upe yuvɨreco aipo ehi: —Nde no, ¿mara ehi nde pɨhañemoñeta co mbɨa rese? —ehi. Ahe evocoiyase aipo ehi: —Che amoha ité Tũpa ñehe mombehusar secose —ehi.

Los Hechos 7:37

Ahe avei aipo ehi israelita upe: ‘Tũpa vɨnosera pe pãhu sui ñepei oñehe mombehusar che nungar’ ehi.