San Mateo 11:16 - Tũpa Ñehengagüer

¹⁶ “¿Mbahe rese pĩha amboyoyara ava recocuer cũriteindar? Esepia, co ava inungar acoi chĩhivahe iguayɨ tẽi vahe ocar rupi. Ipare oñehe pucu-pucu omborɨpar upe yuvɨreco aipo ehi:

Tüpä Ñe'ëngagwer

¹⁶ ¿Mba'e rese pi'ä amboyoyara ava rekokwer kurïtëindar? Esepia oyoya tuprɨ chi'ïvä'e rese ogwapɨ igwayɨ tëi va'e okar gwasuve iyavei säse puku-puku omborɨpar upe yuvɨreko:

San Mateo 11:16 Iomraidhean Croise

San Mateo 11:15

Acoi ava osendu pota vahe che ñehe, toyapɨsacaño sese” ehi.

San Mateo 11:17

‘Oromoñehe tẽi mimbɨ pẽu, ndapepɨvoi eté rumo iyavei orosapucai tẽi sapucaisa vɨharẽhɨsa resendar pẽu, pe rumo ndapeyasehoi eté’ ehi.

San Mateo 12:34

¡Evocoiyase pe, mboi nungar tẽi peico vahe, pe recocuer naporaise, ndapeicatui chira mbahe avɨye vahe rese pe ñehe ãgua! Esepia, pe pɨha pɨpe sui tẽi osẽ pe ñehe ãgua.

San Mateo 23:36

Supi eté opacatu co mbahe tẽi oura pe recove vɨteseve” ehi.

San Mateo 23:7

Oipota avei ava oyeupe ‘avɨrave’ apo ãgua omboeteisave ocar rupi iyavei oipota, ‘Porombohesar’ oyeupe he yuvɨreco.

San Mateo 24:34

Supi eté yuvɨrecove vɨtera ava osepia vahe co mbahe opase yavɨye.

San Marcos 12:38

Jesús aipo ehi oporombohesave: “Peicua catu Moisés porocuaita rese oporombohe vahe sui. Esepia, ahe oturucuar ipucu vahe rese oguata pota rai yuvɨreco yepi, iyavei oipota oyeupe ‘avɨrave’ apo ãgua ocar rupi omboeteisa pɨpe yuvɨreco.

San Marcos 4:30

Iyavei aipo ehi: “¿Mara ehi vo Tũpa povrɨ pendar co ɨvɨ pɨpe pẽu; mbahe rese pĩha iyacatu imboyoyasa icua ãgua?

San Lucas 11:43

“¡Peparaɨsu pe fariseo! Esepia, peipota pe renda porañete catu vahe pe guapɨ ãgua tũparo pɨpe, iyavei peipota pẽu opacatu ‘avɨrave’ oyapora ava pe mboeteisave ocar rupi yuvɨreco.

San Lucas 13:18

Evocoiyase Jesús aipo ehi avei: “¿Mbahe nungar pĩha Tũpa povrɨ pendar, iyavei mbahe rese vo amboyoyara?