San Lucas 7:27 - Tũpa Ñehengagüer

²⁷ Ahe chupe ité Tũpa icuachiaprɨ aracahendar pɨpe aipo ehi: ‘Amondora che ñehe mombehusar nde renondeve nde raperã moingatu ãgua’ ehi.

Tüpä Ñe'ëngagwer

²⁷ Ko Juan rese ite akoi ñe'ësa Ikwachiaprɨ araka'endar pɨpe aipo e'i:‘Amondora che ñe'ë mombe'usar nde renondeve,nde raperä moigätu agwä.’

San Lucas 7:27 Iomraidhean Croise

San Mateo 11:10

Ahe chupe ité Tũpa icuachiaprɨ aracahendar pɨpe aipo ehi: ‘Che amondora nde renondeve che ñehe mombehusar nde raperã moingatu ãgua’ ehi.

San Marcos 1:2

Yɨpiɨndar Tũpa aipo ehi imombehu oñehe mombehusar Isaías rembicuachía pɨpe aracahe: “Amondora che ñehe mombehusar nde renonera, ndeu perɨ moatɨro ãgua” ehi.

San Lucas 1:76

Nde, che rahɨr, ‘Co Tũpa ɨvate vahe ñehe mombehusar secoi’ ehira ava yuvɨreco ndeu. Esepia, nde eremoingatura ava recocuer Yar pɨsɨ ãgua senondeve eico.

San Lucas 7:26

¿‘Mara ehi secocuer’ peye vo chupe? ¿Tũpa ñehe mombehusar ité pĩha? Ahe ité, iyavei evocoi niha ɨvate catu vahe Tũpa ñehe mombehusar sui.

San Lucas 7:28

Aracahe suive ndipoi eté ɨvate catu vahe Juan sui. Yepe ahe ɨvate catu vahe viña, Tũpa mborerecuasave rumo ava seco mbegüemi catu vahe ɨvate catu ichui.

San Juan 1:23

—Che aico oñehe vahe ɨvɨ iporupɨrẽhɨsa rupi aipo ahe: ‘Pemoingatu pe recocuer yande Yar yepotase nara’ ahe pẽu. Ahe inungar acoi Tũpa ñehe mombehusar Isaías aipo ehi vahe aracahe —ehi.