San Lucas 6:8 - Tũpa Ñehengagüer

⁸ Ahe rumo oicuaño ité ipɨhañemoñetasa oico. Ipare aipo ehi evocoi mbɨa ipo nomɨi vahe upe: —Epũha cohave terehã ava pãhuve —ehi. Ahe mbɨa evocoiyase opũha, opɨta aheve ohã

Tüpä Ñe'ëngagwer

⁸ A'e rumo, oikwaño ite ipɨ'a ñemoñetasa, aipo e'i a'e mbɨa ipo novɨi va'e upe:–Epü'a iyavei eyu ko'ave e'ä ava pa'üve.A'e mbɨa evokoiyase opü'a opɨta a'eve o'ä,

San Lucas 6:8 Iomraidhean Croise

San Mateo 9:4

Jesús rumo oicua ipɨhañemoñetasa, sese aipo ehi chupe: —¡Mahera pepɨhañemoñeta rai pe yapɨsacasa rereco!

San Marcos 3:3

Evocoiyase Jesús aipo ehi co mbɨa ipo nomɨi vahe upe: —Epũha ore mbɨterve —ehi.

San Lucas 13:12

Osepiase rumo Jesús, “Erio” ehi chupe. —Cuña, cũritei nanembaheasɨ iri eico cute —ehi.

San Lucas 5:22

Ahe rumo oicuaño ité ahe ava pɨhañemoñetasa. Evocoiyase aipo ehi chupe: —¡Mahera vo pepɨhañemoñeta rai tẽi che rese!

San Lucas 6:9

Ahese Jesús oporandu ahe ava upe: —Aporandura mbahe rese pẽu —ehi—. ¿Mbahe vo yaposara mbɨtuhusa arɨ pɨpe yepi, mbahe tuprɨ pĩha, anise mbahe naporai vahe tie? ¿Yaipɨ̃sɨro pĩha ava recocuer; yamocañɨ uca tẽi tie? —ehi.

San Juan 2:25

Ndipoi eté que ambuae ava pɨhañemoñeta mombehu ãgua chupe. Esepia, ahe ité opa oicua.

San Juan 21:17

Imombosapɨsa rupi oporandu iri chupe: —Simón, Juan rahɨr, ¿che raɨsu vo eve? —ehi. Aipo oyeupe hese, Pedro ndoyembovɨhai eté aipo ehi: —Che Yar, nde niha opacatu ereicua, nde avei ereicua che nde raɨsusa —ehi. —Evocoiyase ndehañeco tuprɨ catu che reroyasar rese —ehi—.

San Juan 9:4

Sese oime vɨtese arɨ yandeu che mbousar poravɨquɨsa apo ãgua, iya ité ahe yayapo. Esepia, pɨ̃tura, ahese ndayaicatui chietera mbahe apo.

Los Hechos 20:24

“Ndacherecatẽhɨi rumo cheyese che mano ãgua. Che rumo amboavɨye potaño ité che poravɨquɨsa Tũpa upe, ahe yande Yar Jesucristo che cuai vahe co ñehesa icatuprɨ vahe mombehu ãgua. Co Tũpa oporoaɨsusa pɨpe ombou ñepei vahe Guahɨr ava pɨ̃sɨro ãgua” ehi.

Los Hechos 26:26

Co mborerecuar revo oicua tuprɨ avei che remimombehu. Sese ndasɨquɨyei opacatu co mbahe mombehu ãgua chupe. Esepia, opacatu co mbahe yaposa vahe ndahei ñomiprɨ tẽi.

Filipenses 1:28

Iyavei ndapeyembosɨquɨyei chira pe amotarẽhɨmbar sui. Evocoiyase ahe oicuara yuvɨreco chupe ité Tũpa omondora imocañɨ ãgua; pe rumo Tũpa pe pɨ̃sɨrora curi.

Hebreos 4:13

Ndipoi eté niha mbahe Tũpa rembiapo ñomiprɨ ichui. Opacatu ité oicua, osepia avei opacatu mbahe. Ahe niha oporandura opacatu yande recocuer rese yandeu curi.

1 San Pedro 4:1

Cristo oiporara mbahe rasɨcuer güete rese. Pe avei evocoiyase peyemoingatu voi ẽgüe peye vaherã peico chupe nara. Esepia, acoi ava oyemomborara vahe güete pɨpe oseya angaipa yuvɨreco.

Apocalipsis 2:23

Ipare ayucapara imembrɨ ichui. Ẽgüe ehi opacatu che reroyasar oicuara yuvɨreco che aicua tuprɨ ité opacatu ava pɨhañemoñetasa iyavei ñepei-pei pe yacatu amondora pe rembiapogüer reprɨ pẽu.