San Lucas 6:3 - Tũpa Ñehengagüer

³ Jesús rumo omboyevɨ chupe: —Peicua tẽi niha icuachiaprɨ aracahendar mborerecuar guasu David rembiapogüer resendar ñehesa ondugüer reseve ndasɨepoise yuvɨreco.

Tüpä Ñe'ëngagwer

³ Jesús rumo omboyevɨ chupe:–¿Ndapeyerokɨivo peiko David rembiapokwer rese a'e iyavei ondugwer reseve ndasɨepoise yuvɨreko?

San Lucas 6:3 Iomraidhean Croise

San Mateo 19:4

Ahe rumo omboyevɨ fariseo upe: —¿Ndapesenducuaimi vo ñehesa icuachiaprɨ pɨpe peyeroquɨse: ‘Yɨpɨndar yande Aposar oyapo cuimbahe, cuña avei’ ehi?

San Mateo 21:16

aipo ehi chupe: —¡Eresendu vo aipo ehi tẽi vahe chĩhivahe yuvɨreco! —ehi. —Taa, asendu ité —ehi—. Pe no, ¿ndapeyeroquɨi vo sesendar ñehesa icuachiaprɨ pɨpe: ‘Chĩhivahemi, pĩtanimi avei osapucaira nde mboeteisa pɨpe yuvɨreco’ ehi vahe? —ehi.

San Mateo 21:42

Aipo ihe pare, aipo ehi oñehe rendusar upe: —¿Ndapeyeroquɨi vo co aipo ehi vahe icuachiaprɨ pɨpe? ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua. Ẽgüe ehi niha Yar yapo yande mohapɨsɨ ai eté’ ehi icuachiaprɨ pɨpe.

San Mateo 22:31

Co cuerayevɨsa resendar rumo amombehura pẽu. Avɨye ndapeyeroquɨi anga vahe acoi Tũpa omombehu vahecuer rese. Supi eté ahe aipo ehi aracahe:

San Mateo 4:2

Aheve cuarenta arɨ, cuarenta pɨ̃tu ndocarui. Sese ndasɨepoi eté oico.

San Marcos 12:10

“¿Ndapeyeroquɨi vo pe co icuachiaprɨ pɨpe? Aipo ehi niha acoi: ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua.

San Marcos 12:26

Co cuerayevɨsa resendar rumo amombehura pẽu: avɨye ndapeyeroquɨi anga vahe Moisés rembicuachiagüer pɨpe, acoi caha rese sendɨ guasu vahe avɨterve Tũpa aipo ehise chupe: ‘Che Abraham, Isaac, iyavei Jacob Tũpa aico’ ehi vahe.