San Lucas 4:38 - Tũpa Ñehengagüer

³⁸ Evocoiyase Jesús osẽ judío tũparo pɨpe sui oso, oique Simón Pedro rẽtave. Simón rembireco sɨ sohɨ́ iteanga ou. Evocoiyase oñehe ahe pendar sese Jesús upe ‘tombogüerami tẽi’ oyapave yuvɨreco.

Tüpä Ñe'ëngagwer

³⁸ Jesús osë oɨ judío ñemonu'äsa pɨpe sui oso ipare oike Simón rëtäve. Simón rovayar imba'easɨ so'ɨ iteanga ou, ipare oñe'ë Jesús upe yuvɨreko tombogwerami tëi oyapave.

San Lucas 4:38 Iomraidhean Croise

San Mateo 15:23

Ahe rumo nomboyevɨi eté chupe. Evocoiyase semimbohe oyemboya yuvɨreco sese aipo ehi: —Emboyepepɨ co cuña yande sui. Esepia, sãse pucu-pucu ou yande raquɨcuei —ehi yuvɨreco chupe.

San Mateo 4:24

Oyepotase rumo serãcua opacatu Siria ɨvɨ rupindar upe, ahese güeru opacatu iparaɨsu vahe yuvɨreco chupe: imbaheasɨ vahe, caruguar vɨreco vahe, que nañaca põrai vahe iyavei ndoguatai vahe. Ahe opa tuprɨ ombogüera.

San Juan 11:22

Che rumo aicua Tũpa omboura opacatu nde porandusa ndeu —ehi Marta chupe.

San Juan 11:3

Ahe seindrɨ omondo oñehe Jesús upe yuvɨreco aipo ehi: —Ore Yar, nde mborɨpar, nde rembiaɨsu, imbaheasɨ ou —ehi.

1 Corintios 9:5

Iyavei inungar ambuae apóstol vɨraso ité güembireco oyeupi yuvɨreco yepi, Jesús rɨvɨreta avei ẽgüe ehi yuvɨreco, ẽgüe ehi avei Pedro, ẽgüe ahe aveira niha che viña.