San Lucas 4:35 - Tũpa Ñehengagüer

³⁵ Evocoiyase, —¡Quiriri, esẽ co mbɨa sui! —ehi oñehe pĩrata caruguar upe. Ahese caruguar ombovɨapi ahe mbɨa ava rovai, osẽ ocua ichui; nomomarai eté rumo.

Tüpä Ñe'ëngagwer

³⁵ Jesús evokoiyase oñe'ëgäta karugwar upe aipo e'i:–¡Kiriri, epoi ko mbɨa sui!A'ese karugwar ombovɨapi a'e mbɨa opakatu ava rovai imondo ɨvɨve, ipare osë okwa ichui nomomaräi ete rumo.

San Lucas 4:35 Iomraidhean Croise

San Mateo 17:18

Ahese oñehe pĩrata caruguar upe chĩhivahe sui imose. Aheseve ocuera tuprɨ voi eté.

San Mateo 8:26

Evocoiyase aipo ehi: —¡Mahera pesɨquɨye! ¡Ndapeyeroyai eté che rese! —ehi güemimbohe upe. Ahese oñarapuha aipo ehi ɨtu guasu upe, ɨvɨtu ai upe avei no: “Pepɨtuhupa” ehi. Aheseve voi opa tuprɨ opɨtuhu yuvɨreco.

San Marcos 1:26

Evocoiyase caruguar mbɨa rese secoi vahe omoehoha seitɨ ɨvɨve, sãse, osẽ oso ichui.

San Marcos 4:39

Evocoiyase aipo hese, omahe, oñehe pĩrata ɨvɨtu ai upe, ɨpa upe avei: —¡Pepɨtuhu! —ehi. Aheseve voi opɨtuhu tuprɨ.

San Marcos 9:26

Caruguar sãse pucu chĩhivahe yuca tuprɨ oso. “Omano ité co chĩhivahe” ehi ambuae ava yuvɨreco.

San Lucas 11:22

Acoi ouse rumo ambuae ipĩrata catu vahe chupe, ahe osecoreroyɨse, opa vɨrocua iyeroyasa ichui. Evocoiyase güembierocua ahe opa vɨraso oyeupe.

San Lucas 4:23

Ahe rumo aipo ehi ava upe: —Pe aipo peyera cheu: ‘Oporombogüera vahe, eñeposano nde ae eico’ peyera. Ipare aipo peyera cheu: ‘Acoi orosendu vahe nde rembiapogüer Capernaum pɨpe, ẽgüe ere avei eyapo cohave nde recua pɨpe ité’ peyera cheu —ehi.

San Lucas 4:39

Evocoiyase Jesús oyeaɨvɨ oso chupe sohɨ sui imbogüera ãgua. Ocuera pare voi ahe cuña oñarapuha; ohañeco ahe ava yuvɨrecoi vahe rese.

San Lucas 4:41

Iyavei setá ava sui opa omose caruguar. Evocoiyase caruguar osapucai tẽi aipo ehi yuvɨreco: —¡Nde acoi Tũpa Rahɨr ité ereico! —ehi. Ahe rumo oñehe pĩrata caruguar upe, nomoñehe iri. Esepia niha, caruguar oicua ité ahe Tũpa Rembiporavo seco rese yuvɨreco.

San Lucas 8:24

Evocoiyase semimbohe yuvɨraso imomba aipo ehi chupe: —¡Porombohesar! ¡Porombohesar! ¡Yande rerasora moco carite ɨpɨve! —ehi yuvɨreco. Ahese omahe. Ipare oñehe pĩrata ɨvɨtu ai upe iyavei ɨ ohɨtu vahe upe: “¡Pepɨtuhu!” ehi. Aheseve voi opɨtuhu tuprɨ.

San Lucas 9:39

caruguar rumo opoco sese, omoase pucu-pucu uca yepi iyavei omoeõha-õha sereco iyavei iyuru rupi tɨyui yusu-yusu. Mara-mara tẽi vɨreco iyavei ndopoi potai eté ichui.

San Lucas 9:42

Chĩhivahe oyemboyase rumo sese, caruguar ombovɨapi voi imondo ɨvɨve, imoeõha iri. Jesús rumo oñehe pĩrata caruguar upe imose ãgua chĩhivahe sui. Ahese chĩhivahe ocuera tuprɨ ité. Ipare omboyevɨ tu upe.

Apocalipsis 12:12

¡Peyembovɨha catu pe ɨva ɨguar peico vahe! Pe rumo, ¡peparaɨsu catura ɨvɨ pɨpe, para guasu pɨpe avei peico vahe! Esepia niha, Caruguar ogüeyɨ pẽu oñemoɨrosa pɨpe, oicuase güeco pucuẽhɨ ãgua” ehi.