San Lucas 23:4 - Tũpa Ñehengagüer

⁴ Evocoiyase Pilato aipo ehi pahi eta rerecuar upe opacatu ava upe avei: —Che rumo namohai eté co mbɨa que mbahe oyapo vaherã —ehi

Tüpä Ñe'ëngagwer

⁴ Evokoiyase Pilato aipo e'i pa'i eta rerekwar upe opakatu ava upe avei:–Che rumo namo'äi ete ko mbɨa mba'e oyapo va'erä.

San Lucas 23:4 Iomraidhean Croise

San Mateo 27:19

Pilato güendave chini vɨteseve, sembireco omondo oñehe chupe aipo ehi: “Ereyapoi rene mbahe evocoi ava seco catuprɨ vahe upe. Esepia, che querve asepia mbahe tẽi eté sesendar” ehi.

San Marcos 15:14

Pilato rumo aipo ehi ava upe: —¿Mbahe ité vo oyapo naporai vahe? —ehi. Ahe rumo, —¡Tayatɨcasa ité curusu rese! —ehi atɨ-atɨ iriño yuvɨreco.

San Lucas 23:22

Imombosapɨsa rese Pilato oñehe iri: —¿Mbahe ité vo oyapo naporai vahe? Ndipoi eté niha que mbahe sembiapo yuca ãgua, ainupa uca tẽira rumo. Ipare amoseñora —ehi.

San Juan 18:38

Pilato rumo, —¿Mbahe vo aipo supi eté vahe? —ehi chupe. Aipo ohe pare, Pilato osẽ iri judío eta upe oñehe aipo ehi: —Che ndayosui eté co mbɨa rese mbahe sembiavɨ.

Los Hechos 25:25

Ndayosui rumo mbahe sembiapo yuca uca ãgua iyavei oporandu oso ãgua mborerecuar ɨvate catu vahe Cesar upe. Sese che ayemoingatu ité imondo ãgua chupe.

Los Hechos 3:13

Tũpa, ahe acoi Abraham, Isaac iyavei Jacob vɨroya yuvɨreco aracahe iyavei opacatu yande ramoi eta avei no, ahe niha omondo güeco pĩratasa tuvicha catu vahe Guahɨr Jesús upe. Pe rumo acoi pemondoño mborerecuar Pilato povrɨve. Acoi omose potase, pe evocoiyase ndapeipotaiño imose ãgua chupe.

Hebreos 7:26

Supi eté Jesús pahi ɨvate catu vahe secoi. Evocoi nungar niha ipane ité yandeu yɨpɨndar. Ahe ndaseco marai vahe, ndoyapoi vahe mbahe tẽi güeco maranehɨsa pɨpe, ndahoyoyai avei ava angaipa viyar rese, iyavei ahe ɨvate catu vahe ɨva pendar sui.

1 San Pedro 1:19

Imboepɨsa rumo Cristo ruvɨ maranehɨ pɨpe. Ahe seropovẽheprɨ, inungar ovesa nimarai vahe.

1 San Pedro 2:22

Ahe ndoyapoi vahe ité angaipa iyavei ndoporombopai vahe ité.

1 San Pedro 3:18

Esepia niha, Cristo teieté omano yande angaipa repɨrã ñepei reseve. Güeco maranehɨ pɨpe ẽgüe ehi ava recocuerai rese opacatu pe reraso ãgua Vu Tũpa upe. Ahe omano güete rese. Ipare rumo ocuerayevɨ güeco espíritu pɨpe.