San Lucas 23:2 - Tũpa Ñehengagüer

² Aheve oiñehengapo aipo ehi yuvɨreco: —Orosepia co mbɨa oipɨhañemoñeta rerova atɨ uca ava yande recua rupindar aipo ehi: “Pemondoi rene Roma pendar mborerecuar ɨvate catu vahe upe guarepochi” ehi. Iyavei, “Che Poropɨ̃sɨrosar mborerecuar ɨvate catu vahe aico” ehi oico —ehi yuvɨreco Pilato upe.

Tüpä Ñe'ëngagwer

² Sovai evokoiyase oiñe'ëngapo tuprɨ tëi, aipo e'i yuvɨreko:–Orosepia ko mbɨa oipɨ'a ñemoñeta rerova atɨ uka ava yande rekwa rupindar. Aipo e'i pemondoi rene gwarepochi mborerekwar ɨvate katu va'e upe, iyavei supiete aipo e'i che Poropɨsɨrösar, mborerekwar ɨvate katu va'e aiko.

San Lucas 23:2 Iomraidhean Croise

San Mateo 17:27

Guarepochi rerocuasar moñemoɨroẽhɨ ãgua rumo, eresora ɨpa pɨpe, epirapoi. Acoi yɨpɨndar pira erenose vahe, ahe iyuru pɨpe ereyosura ñepei guarepochi. Ahe eraso chupe. Ipɨpe iyacatura imboepɨ ãgua yandeu —ehi Jesús Pedro upe.

San Mateo 22:21

—Roma pendar mborerecuar guasu —ehiño fariseo yuvɨreco chupe. —Pemondora evocoiyase mborerecuar upe mbahe chupendar, Tũpa upendar mbahe evocoiyase pemondora Tũpa upe —ehi fariseo upe.

San Mateo 27:11

Jesús serasosa mborerecuar Pilato upe, ahese Pilato oporandu chupe: —¿Nde ité vo judío rerecuar ɨvate catu vahe ereico? —ehi. —Nde niha aipo, ‘Ahe ereico’ ere cheu —ehiño imboyevɨ Pilato upe.

San Marcos 12:17

Evocoiyase aipo ehi fariseo upe: —Pemondora mborerecuar upe mbahe chupendar; Tũpa upendar mbahe evocoiyase pemondora Tũpa upe —ehi. Evocoiyase oyepɨhamondɨi tẽi aipo oyeupe hese yuvɨreco.

San Marcos 15:2

Pilato aheve oporandu chupe: —¿Nde ité vo judío rerecuar ɨvate catu vahe ereico? —ehi. —Nde niha aipo, “Ahe ereico” ere cheu —ehi.

San Lucas 23:14

Ipare aipo ehi chupe: —Pe niha peru co mbɨa cohave cheu, ‘Omañeco tẽi ava secua rupi’ peye. Che rumo aporandu tẽi pe rovaque mbahe rese chupe. Ndipoi eté rumo mbahe sembiapo naporai vahe pe remimombehu rupi.

San Lucas 23:5

Ahe ava eta rumo, —Supi eté opacatu ava oipɨhañemoñeta mboyeavɨratɨ́ uca opacatu tecua rupindar. Yɨpɨndar omboɨpɨ Galilea rupi oico. Cũritei co Judea ve ẽgüe ehiño ité —ehi ava eta Pilato upe yuvɨreco.

San Juan 18:29

Sese Pilato osẽ ava upe aipo ehi: —¿Mbahe vo sembiapo naporai vahe? —ehi.

San Juan 18:30

Ahe omboyevɨ yuvɨreco chupe: —Seco catuprɨse, ndorogüerui chietera ndeu viña —ehi yuvɨreco chupe.

San Juan 19:12

Ahe ramoseve, Pilato osãha iri tẽi Jesús renose ãgua; judío rerecuar rumo osapucai voiño yuvɨreco chupe: —¡Acoi eremosese co mbɨa, ndahei chietera nde mborerecuar ɨvate catu vahe mborɨpar ereico! ¡Opacatu oyemomborerecua tẽi vahe, ahe evocoiyase mborerecuar ɨvate catu vahe amotarẽhɨmbar tẽi yuvɨrecoi! —ehiño yuvɨreco chupe.

Los Hechos 24:13

Co mbɨa ndoicatui eté mbahe che rembiavɨ mombehu seroya tuprɨ ãgua yuvɨreco ndeu.

Los Hechos 24:5

Oroyandu co mbɨa ava mañeco tẽisar oguata opacatu ɨvɨ rupi. Ore judío, ore mboyaho ore yeamotarẽhɨ uca ãgua, ahe Jesús, Nazaret pendar, reroyasar rerecuar —ehi—.

Romanos 13:7

Yamondo ñepei-pei ava upe mbahe chupendar. Iya ité yamondo mborerecuar upe guarepochi oporanduse sese, yamboetei avei ava imboyeroyaprɨ.