San Lucas 22:42 - Tũpa Ñehengagüer

⁴² aipo ehi: “Che Ru, ereipotase, che renose eve co mbahe tẽi sui; tayapo eme che remimbotar tẽi, nde remimbotar rupira rumo” ehi.

Tüpä Ñe'ëngagwer

⁴² Aipo e'i: “Che Ru, ereipotase che renose eve ko mba'e tëi sui; tayapo eme che remimbotar tëi, tayaposa katu nde remimbotar rupi.”

San Lucas 22:42 Iomraidhean Croise

San Mateo 11:25

Iyavei ahe arɨ pɨpe Jesús oyerure: “Che Ru, avɨye ndeu. Nde niha ɨva pendar, ɨvɨ pɨpendar Yar ereico. Esepia, nde ereñomi co ñehesa supi tuprɨ vahe ava imbahecua vai vahe sui; eremboyecua rumo ava seco mbegüemi vahe upe.

San Mateo 11:26

Ẽgüe ere niha mbahe nde remimbotar apo, che Ru” ehi.

San Mateo 20:22

—Pe ndapeicuai mbahe rese peporandu. ¿Peiporara catura pĩha co mbahe-mbahe tẽi aiporara vaherã, inungar-ra que ɨgua iro vahe aɨhu vaherã viña? —ehi. —Taa, oroicatuño itera —ehi yuvɨreco.

San Mateo 26:39

Evocoiyase oso tenonde catumi. Aheve oñenopɨha ovapɨ ɨvɨ rese oyeroquɨ Vu upe aipo ehi: “Che Ru, iyase ndeu che renose mbahe-mbahe tẽi sui eve; tayapo eme ru che remimbotar tẽi, nde remimbotar rupi catu tayapo” ehi.

San Mateo 26:42

Ichui imoñuvɨriosa rupi oso iri oyeroquɨ aipo ehi: “Che Ru, ereipotase che reique ãgua co mbahe tẽi pɨpe, eyapo nde remimbotar che rese” ehi.

San Mateo 26:44

Evocoiyase oseyapa iri oso oyeroquɨ ãgua imombosapɨsa rupi. Aipo ehi tuprɨño avei oyeroquɨ Vu upe.

San Mateo 6:10

Tou nde mborerecuasa oreu. Tayaposa nde remimbotar co ɨvɨ pɨpe, inungar ɨvave yaposa.

San Marcos 14:36

Oyeroquɨ pɨpe aipo ehi: “Che Ru, che rembiaɨsu, ndeu niha mbahe ndayavai vahe ité: che renose co mbahe-mbahe tẽi sui eve; tayapo eme che remimbotar tẽi, nde remimbotar rupi catu tayapo” ehi.

San Lucas 23:34

Ahese Jesús aipo ehi: —Che Ru, ndeñero co ava upe sembiapo rai rese. Esepia, ndoicuai co mbahe güembiapo yuvɨreco —ehi. Sundao evocoiyase iguayɨño Jesús turucuar rese oyeupe imboyaho-yaho ãgua yuvɨreco.

San Juan 18:11

Pedro upe rumo aipo ehi: —Emondo iri quɨse sɨru pɨpe —ehi—. Che Ru niha co mbahe yavai vahe ombou cheu. Añemosaño itera chupe —ehi.

San Juan 4:34

Güemimbohe upe rumo aipo ehi: —Che movɨracuasa rumo che mbousar porocuaita, ahe ayapora iyavei amboavɨye rane itera iporavɨquɨ —ehi—.

San Juan 5:30

“Che ndaicatui mbahe apo cheyesui tẽi. Che, ‘Pe peyavɨ vahe mbahe, peipɨsɨra che Ru ñemoɨrosa’ ahe ava ndaseco põrai vahe upe che cuaita rupi iyavei che amombehu vahe supi tuprɨ ité. Esepia, che ndaipotai che remimbotar tẽi mbahe apo ãgua. Che Ru, che mbousar remimbotar rumo ayapo.

San Juan 6:38

Esepia, ndayui ɨva sui mbahe che remimbotar apo ãgua tẽi; ayu rumo che mbousar porocuaita apo ãgua.

Los Hechos 21:14

Ndoroicatuise ipɨhañemoñetasa rerova ãgua, oropoiño ichui aipo orohe: —Tayaposa ayase yande Yar remimbotar —oroheño chupe.