San Lucas 22:26 - Tũpa Ñehengagüer

²⁶ Pe rumo ẽgüe ndapeyei chira. Acoi oyemboɨvate pota vahe, toyemochĩhivaheño güeco mbegüesa pɨpe. Acoi ava cuaisar, tihañeco catu ambuae ava rese.

Tüpä Ñe'ëngagwer

²⁶ Pe rumo egwë ndapeyei chira. Akoi oyemboɨvate pota va'e toyemochi'ïvä'eño gweko mbegwesa pɨpe, oporokwai va'e ti'añeko katu ambuae ava rese.

San Lucas 22:26 Iomraidhean Croise

San Mateo 20:26

Pe rumo ẽgüe ndapeyei chira peico. Iyacatu rumo acoi ava oipota vahe ɨvate catu güeco ãgua pe pãhuve, ihañeco rane itera opacatu ambuae ava rese.

San Marcos 10:43

Pe rumo ẽgüe ndapeyei chira pe yeereco. Iyacatu rumo acoi ava oipota vahe ɨvate catu güeco ãgua pe pãhuve, ihañeco rane itera opacatu ambuae ava rese.

San Marcos 9:35

Evocoiyase oguapɨsave, “Periopa” ehi güemimbohe upe, aipo ehi avei: —Oimese pe pãhu pendar oyemboɨvate ai vahe, ahe rumo seco ɨvɨ cotɨ catura opacatu sui ava eta pɨ̃tɨvɨi ãgua —ehi.

San Lucas 9:48

Ipare aipo ehi güemimbohe eta upe: —Acoi ava oipɨsɨ vahe co chĩhivahemi nungar che rer pɨpe sereco, che ité che pɨsɨ yuvɨreco; iyavei acoi ava che pɨsɨ vahe, oipɨsɨ aveira che mbousar. Esepia, acoi ava seco mbegüemi catu vahe pe pãhu pendar, ahe avɨye catu vahe —ehi.

Romanos 12:2

Peico iri eme co ɨvɨ pɨpendar pɨhañemoñetasa tẽi rupi. Iyacatu rumo pesecuñaro pe pɨhañemoñetasa. Ipɨpe sui opacatu pe recocuer oñecuñarora. Ẽgüe peyese, peicuara Tũpa remimbotar ahe mbahe avɨye vahe, semimbotar supi tuprɨ vahe ité.

1 San Pedro 5:3

Ndapeicoi chira pe remiaro upe inungar que mborerecuar güeco ɨvatesa pɨpe oporocuai pĩrata vahe. Pemboyecuara rumo pe recocuer avɨye vahe chupe imbohesa tuprɨ pɨpe.

1 San Pedro 5:5

Iyavei no pe mbɨa chĩhivahe, pemboyeroyara ava pe rãrosar peico. Iyavei opacatu peyemboyeroyara pe reco mbegüesa pɨpe peyeupe peico. Esepia, “Tũpa ava oyeecomboɨvate ai vahe amotarẽhɨmbar secoi; ava seco mbegüemi vahe upe rumo ombou oporovasasa” ehi.